Балаларның яз билгеләре, язгы үзгәрешләр турында күзаллауларын киңәйтү,табигатьнең матурлыгын күреп соклана белергә,Нәүрүз бәйрәме һәм аның йолалары белән таныштыру максатыннан,бакчабызда "Нәүрүз мөбәрәкбад" күңел ачу иртәсе булып узды.Балалар Яз белән Кышның көч сынашканнарын, Нәүрүзнең җиңгәнен карадылар,үзләре җырлар җырлап,шигырьләр сөйләделәр.Бәйрәм иртәсе бик күңелле үтте.

Бөек Җиңүнең 75 еллыгы уңаеннан балалар бакчасы коллективы тарафыннан кул эшләре күргәзмәсе оештырылды.Әлеге бай эчтәлекле күргәзмә авыл халкы һәм килгән кунаклар тарафыннан уңай яктан бәяләнде.

Әбиләргә,әниләргә,кызларга карата ихтирамлы мөнәсәбәт тәрбияләү,8 март халыкара хатын-кызлар көне турындагы белемнәрен тулыландыру максатыннан,балалар бакчасында "Иң кадерлем-әбием" дип исемләнгән бәйрәм иртәсе булып узды.Әлеге бәйрәм иртәсендә әбиләр оныкларының җырларын, биюләрен карап, шигырьләрен тыңладылар. Кичәдән алган хис-кичерешләр әбиләребезнең күңелләрендә бары тик уңай тәэсир генә калдырды.

23 февраль-Ватанны саклаучылар көне уңаеннан,балалар бакчасында "Бабаем-горурлыгым" дип аталган балалар иртәсе булып узды. Балалар үз куллары белән эшләгән бүләкләрен тапшырдылар.Әлеге кичә бик матур һәм эчтәлекле узды.Килгән кунаклар ясле-бакчаны ошатып кайтып киттеләр.

Ясле-бакча балалары һәм Тимершык мәктәбенең башлангыч сыйныф укучылары катнашында Муса Җәлил истәлегенә багышланган очрашу уздырылды.Шагыйрьнең шигырьләре укылды. Әлеге очрашу Муса Җәлилнең әсәрләренә кызыксыну уяту,балаларда ватан пәрварлек хисләре тәрбияләү максатыннан үткәрелде.

10 февраль көнне сәламәтлек темасына дәрәсләр үткәрелде. Максат- балаларны сәламәт булуның иң гади, әмма иң мөһим серләренә төшендерү.

Чаңгы юллары 2014

Ура!!! Бүген күптән көтелгән яңа балалар бакчасы, мәктәп һәм фельдшер-акушерлык пункты безгә үзенең ишекләрен ачты. Заманча җиһазланган бина барчабызга да бик ошады. Тантанада Татарстан Республикасы Мәгариф һәм Фән министры һәм башка бик күп кунаклар катнашты. Балаларыбыз , үзебез исән-сау булып, илләр имин, көннәр тыныч булып, куанып эшләргә насыйп булсын!

Барча җитәкчеләребезгә, хөкүмәтебезгә, авылыбызга ясаган шундый олы бүләк өчен әти-әниләр, балалар һәм балалар бакчасы хезмәткәрләре исеменнән зур рәхмәтебезне белдерәбез!

Хөрмәтле коллегалар, балалар, әти-әниләр, туганнар, дуслар!!!

Барыгызны да Яңа 2014 ел белән тәбрик итәбез! Барчагызга да исәнлек, саулык, сәламәтлек, күңел күтәренкелеге, иман байлыгы, шатлык, куанычлар телибез.

Илләребез имин. ризыкларыбыз мул. көн-төннәребез тыныч. эшләребез уңышлы булсын.

Бүген бакчабызда яңа елны каршылау - "Яңа ел килә" дип исемләнгән бәйрәм иртәсе булды . Бәйрәм бик күңелле үтте. Маскарад костюмнарына бәйге игълан ителгән иде. Балалар әти- әниләренең үз куллары белән эшләнгән киемнәрен киеп горурланып йөрделәр. Бәйрәм ахырында аларга  махсус әзерләнгән бүләкләр тапшырылды.