Бәйрәм беләнчын күңелдән котлыйбыз! Дөньяларыбыз тыныч, күкләребез аяз, көннәребез якты булсын! 

Бакчабызга йөрүче балалар тәрәзә төбендә помидор,кыяр, борыч һәм берсеннән берсе матур гөлләр үстерәләр.Хаертдинов Булат бик теләп әнисенә булыша.

"Бөек Тукайга"

Әсәрләрең кат-кат укып

Сокланам мин сиңа, Тукай.

Гомер бакый яшь калсаң да,

Талантны мул биргән Ходай.

Тирән акыл, затлы зиһен,

Төпле фикер һәм зирәклек.

Синдәй яп-яшь аксакаллар

Бу дөньяда бик сирәктер.

Һичбер кайчан булмагансың

Әти кеше, тәрбияче…

Каян килгән бу осталык?

Каян таныш тәрбия эше?

Йөз ел элек ничек белдең

Без — татарның ни күрәсен?

Иман, әдәп, әхлак, телнең

Какшатасын кыйбласын?

Сораулар күп, җаваплар юк,

Хак Тәгалә үзе беләдер…

Ә, бәлки, син, бөек Тукай,

Телебезне саклар өчен

Иңдерелгән Пәйгамбәрдер?!

Авторы: Әлфия НИЗАМОВА

Шекше "Акчарлак" балалар бакчасының кечкенәләр төркемендә тәрбияләнүче балаларның Габдулла Тукай иҗатына багышланган кул әшләре күргәзмәсе.

22 апрель — Халыкара җир көне!
Куанып хозурда йөргәндә
Карурман куенына кергәндә,
Беркемнең каргышын алма син,
Күбәләк тә елап калмасын…
Сак бул син, сабыем, сак бул син,
Саклый күр табигать баласын.
Онытма, туган җир бер генә,
Кадерләрен аның бел генә…
Дәвала аның һәр ярасын,
Син бит соң ,табигать баласы! (Р. Вәлиева
Барлык илләрдә дә 22 апрельдә Җир көнен билгеләп үтәләр. Бу чиста Су, Җир һәм Һава бәйрәме.Җир көне — яз көне үткәрелә торган бәйрәм. Бу көнне һәр кеше табигатькә игътибарлырак булырга тиеш. Җир көнен җирне сакларга әзер булган барлык илләр дә үткәрә.Бу көнне Җир йөзендә булган экологик һәлакәтләр турында искә төшереп, шушы экологик проблемаларны чишүдә нинди өлеш кертә алуыбыз турында уйланырга тиешбез. Бездә балалар белән үз өлешебезне керттек.Чыршы агачы утыртык. Бергәләп үскәнен көтәрбез!