Без “Кояшкай” балалар бакчасында инде 27 ел буе кулга –кул тотышып, балаларга тәрбия бирү өлкәсендә тырышып хезмәт итәбез.Эшебез гаять авыр,ныклы сабырлык сорый.Эшләү дэверендә Эльвира  тырыш, ярдәмчел, җиренә җиткезеп эшли торган хезмәткәр итеп күрсәтте. Балалар да Эльвира апаларын бик яраталар.

Уйлама әле, картаям, дип,
Шат-көләч бул, сүнмә-сүрелмә.
Кадер-хөрмәт күреп үтсен гомерең
Урыннарың булсын гел түрдә

Муса Җәлил- олылар һәм балалар өчен бик күп әсәрләр иҗат иткән онытылмаслык бөек шагыйрь. Без аның иҗаты  белән  балалар бакчасында ук таныша башлыйбыз. Җәлил атналыгында әсәрләрен, шигырьләрен укудык, иҗаты һәм тормышы белән таныштык. Җәлил шигырьләренә язылган җырлар , җырлы уеннар  өйрәнү  яраткан шагыйребезгә хөрмәтне тагын да арттыра.Укылган шигырьләр буенча рәсемнәр ясадык. сәхнәләштерү – балаларның яраткан шөгыле булып тора.

          Шагырьнең “Маэмай”, “Куян”,”Әтәч”, “Күке” шигырьләре  әйләнә-тирә дөнья белән танышуга ярдәм итә. яхшылык белән начарлыкны аерырга өйрәтә, батырлык һәм куркаклык  сыйфатлары белән танышалар.  “Сәгать “, “Карак песи”, “Чишмә”, “Кызыл ромашкалар”, һ.б. шигырьләре эшне вакытында ,төгәл башкарырга,үз өстеңә алган вазыйфаларны төгәл үтәргә өнди. Балалар М.Җәлил  геройлары ярдәмендә уңай һәм тискәре сыйфатларны аерырга өйрәнәләр. Шагыйрь әсәрләрендәге геройлар кебек  илгә, халыкка  тугърылыклы, намуслы, дус, бердәм булып үсәргә өйрәтү – төп бурычларыбызның берсе.                                                                

Хәзерге вакытта Ватаныбызның патриот гражданинын тәрбияләү бик мөһим. Безнең балалар үз геройларын – үз тормышларын геройларча бирүчеләрне, батырлык һәм каһарманлык күрсәтергә омтылучыларны белергә тиеш!!!

Бала тормышында әкиятләр зур урын алып торалар. Әкият –бала өчен иң якыны. Әкиятләр балага дөньяны танып белергә, әхлак кагыйдәләрен үзләштерергә, гади генә итеп әйткәндә: яхшылыкны –яманлыктан аера белергә өйрәтә. Алай гына да түгел әле, әкиятләр – баланың иҗади сәләтен үстерергә, үз-үзен һәм әйләнә-тирәне тулысынча ачарга булыша.

Бакчабызда хэрдаим бик куп экиятләр укыйбыз.Экият геройларының  рәсемнәрен ясадык.Тәрбиячебез Алисэ Анасовна бик күңелле “Йомры икмәк әкияттеннән бер күренеш" кисеп-ябыштыру эшчәнлеге уздырды, күңелле уеннар уйныйбыз.

Безнең киләчәгебез балалар кулында. Ә баланың әдәпле, кешелекле булып үсүе безнең үзебездән, ягъни гаиләдән һәм әйләнә тирә мөхиттән тора. Әгәр кеше күңеленә кечкенәдән үк матур сыйфатлар сеңдерелсә, ул инде гомерлек була. Үземнән чыгып шуны әйтәсе килә: балаларда уңай сыйфатларны тәрбияләү, булдыру өчен, халык әкиятләрен укуның әһәмияте зур. Әкиятләр ярдәмендә бала дөньяны акылы белән генә түгел, йөрәге белән дә танып белә.

Кыш - күңел ачулар өчен искиткеч матур ел вакыты! Балалар кышны бик яраталар һәм көтәләр. Нинди генә һава торышы булмасын, урамда алар табигатьне күзәтә, хәрәкәтле уеннар уйнап чыныга. Саф һавада хәрәкәтләнү уеннары балалар организмына уңай тәэсир итә, респиратор авыруларга тотрыклылыгын арттыра, балаларның хәрәкәт активлыгын арттыра, хәрәкәт күнекмәләрен тагын да ныгытырга һәм физик сыйфатларны үстерергә ярдәм итә.Безнең бакча йөрүче балалар, бүген рәхәтләнеп чаңгыда шудылар, күңелле уеннар уйнадылар.

Без – балалар бакчаларында эшләүче тәрбиячеләр балаларны уйнарга өйрәтүне төп бурыч итеп, куябыз. Бала өчен уен ул белем алу,күбрәк мәгълүмат туплау, хезмәт һәм иң кыйммәтле тәрбия чарасы да булып тора.

 Шуларның берсе сюжетлы-рольле уен. Безнең бакчабызда балаларның ирекле, сюжетлы-рольле уеннар уйнау өчен барлык мөмкинлекләр дә бар: кибет, гараж, хастаһанә һ.б. Балалар тәрбияче апалары Алисә Анасовна  белән өлкәннәрнең  хезмәте һәм  һөнәрләре турында сөйләштеләр.Бу уеннар балаларда дуслык,бердәмлек,бер-берсенә юл куя белү кебек сыйфатлар тәрбияләргә ярдәм итә.

Әнә, тышта кар ява,

Син тәрәзәдән кара!

Ал кулыңа, син, көрәк,

Чык урамга тизерәк.

Яңа ел бәйрәмнәре якынлашу, балалар өчен бик  күңелле вакыт. Елдагыча, безнең бакча коллективы  кар сыннары ясауны яңа ел бәйрәмнәренең бер өлеше итеп, бакча янын  Кыш бабай, Кар кызы Һәм  әкият геройлары белән матурладылар.

Яңа ел – балаларның иң яраткан бәйрәмнәренең берсе. Һәр кеше Яңа елны түземсезлек белән көтә, ниндидер  могҗизага өметләнә... 23 нче декабрь көнне "Кояшкай" балалар бакчасының Яңа Ел кичәсе үткәрелде.Бакчада бәйрәм рухы хөкем сөрде.Барлык балалар да  Яңа ел кичәсенә ныклап әзерләнгәннәр һәм тамашачыларны күп санлы җырлар һәм биюләр белән шаккаттырдылар. Яңа ел бәйрәме бер сулышта үттеп китте. Яңа еллар бәхет-шатлык алып килсен, һәммәгез дә сау-сәламәт булыгыз.

Килегез,кил, кошкайлар.

Сез бит безнең дускайлар.

Бакчабызга килегез.

Көн дә кунак булыгыз.

Кышлаучы кошларны ашату кызыклы һәм шатлыклы шөгель генә түгел,ә балаларны  укыту һәм тәрбияләү дә. Әңгәмәләр, уеннар, танып белү дәресләре һәм күзәтүләр аша балалар кошларның төрлелеге турында беләләр; тышкы кыяфәтнең һәм тәртипнең үзенчәлекләре; кайгыртырга өйрәнәләр; шатлык, гаҗәпләнү, соклану кичерәләр.  

Балалар тәрбияче апалары белән бергә, кошларга җим бирделәр.
 

Мәктәп белән балалар бакчасы белем бирүнең бер үк юнәлештә эшләүче ике чиктәш буыны ул. Балалар мәктәпкә ныклы әзерлек белән килсен өчен балалар бакчасы һәм мәктәп арасында дәвамчанлык булуы мөһим. Мәктәп ягыннан караганда дәвамчанлык-балаларның балалар бакчасында алган беренчел белем һәм күнекмәләргә нигезләнеп һәм шул белемнәрне исәпкә алып барыла. Ә балалар бакчасы ягыннан караганда дәвамчанлык ул-мәктәп таләпләренә ориентлашу, мәктәптә белем алуны дәвам итү өчен кирәк булган белем һәм күнекмәләр формалаштыру.

Буген 11нче  декабрь мәктәпкә әзерлек төркеме тәрбиячесе  Яруллина Миләүшә Илгиз   кызы белән 1  класс укычыларың  математика дәресен күзәттек. Укытучы Гөлнара Насир кызы дәресне төрле алымнар кулланып бик күңелле дәрес күрсәтте. Укытучы максатка ирешү өчен түбәндәге эш формалары сайлаган: индивидуаль, фронталь,  парларда эшләү. Дәрес этаплары бер - берсе белән тыгыз бәйләнгән. Дәрестә рольле аралашу өстенлек итә. Дәрес барышында  “Җанлы саннар”, “Күңелле туп”  уеннарын куллану балаларның кызыксынуларын арттырды. Практик эш ярдәмендә яңа материал аңлатылды. Дәрес ахырында тренажер ярдәмендә балаларның белемнәре тикшерелде. Укытучы дәреснең максатына иреште.