2013 елның 25 декабрь көнендә Саба балалар сәнгать мәктәбенең хореография сыйныфы укытучылары Гимадиева Т.Г. һәм Мөбәрәкҗанова А.З. халык иҗатын саклау, үстерү һәм  киңәйтү максатыннан  районның өстәмә белем бирү педагогларына традицион семинар уздырдылар.  Үткәрелгән чарага район мәктәпләрендә эшләүче хореография  укытучылары чакырылды һәм темасы “Башкорт халык биюе” дип билгеләнде. Иң элек, башкорт халкының үзенчәлеге, традицион йолалары , бәйрәмнәре , костюмнары,көйләре  турында әңгәмә үткәрелде. Башкорт биюенең хәрәкәтләре күрсәтелде һәм өйрәтелде. Ә соңыннан , өйрәнгән хәрәкәтләрдән чыгып, башкорт халык биюе сәхнәләштерелеп куелды.Семинарда катнашкан укытучылар бик кәнагәть булып калдылар һәм яңадан-яңа  биюләр өйрәнер өчен кабат семинарлар оештыруны сорадылар.Сәнгать мәктәбе укытучылары үзләренең коллегаларына һәрдаим ярдәм итәргә ризалыгын белдерделәр.