22 август көнне "Белем бирүнең бөтенлеген тәэмин итүдә гомуми һәм өстәмә белемнең үзара бәйләнеше" темасына август киңәшмәсенең пленар өлеше үтте.

Киңәшмәнең беренче өлеше Район Балалар Думасының эчтәлекле чыгышы белән башланды (җитәкчеләре - Шаһидуллина Л.И.)

Кунакларны каршы алуда Юлбат урта мәктәбенең хореография коллективы да катншаты (җитәкчеләре - Дәүләтшина А.Ф.)

Тантаналы өлешне алып бару өлеше директор урынбасары - А.Ш.Димөхәммәтова һәм Олы Шыңар урта мәктәбенең тәрбия эшләре буенча директор урынбасары Р.Г.Мөбәрәковка йөкләнгән иде. Районыбыз мөгаллимнәренә укытучыларыбыз башкаруында җырлар бик ошады. Аеруча Ф.М.Аубакиров башкаруында үзе Г.И.Шафикова сүзләренә иҗат иткән "Укытучыма" җыры күңелләргә бик хуш килде.

Тантаналы өлештә иҗат үзәге директоры Г.И.Шафикова тырыш хезмәте өчен Район мәгариф бүлеге Грамотасы белән бүләкләнде. Шулай ук Район башлыгы Грамота һәм 10мең сум күләмендә премиягә түбәндәге өстәмә белем бирү укытучылары лаек булды:

1. Мингазова Гөлия Шамил кызы – Саба кадет интернат – мәктәбе

2. Фаваризова Раилә Тәлгат кызы – Шекше урта мәктәбе

3. Аубакиров Фәрит Габделмәҗит улы – Балалар иҗат үзәге

4. Шакирова Гүзәл Ринат кызы – Килдебәк урта мәктәбе

5. Касымова Эльмира Кеняшевна – Балалар иҗат үзәге

6. Фазылҗанов Илназ Рәис улы – Тимершык урта мәктәбе

7. Дәүләтшина Альмира Фоат кызы – Балалар иҗат үзәге

8. Гараев Гафур Әюп улы – Олы Арташ төп мәктәбе.

      Җәйнең соңгы ае - август та башланып китте. Каникул буе районыбызда мәктәп укучылары өчен спорт, кадет, иҗат юнәлеләрендә эшләүче лагерьларда тиешле дәрәҗәдә ял итү оештырылды.

      16нчы июльдән Явлаштау авылында урнашкан "Кояшкай" лагеренда IIIсмена үз эшен башлап җибәргән иде. 1нче август көнне лагерьның ябылу тантанасы булып үтте. Тантанада Саба муниципаль районы Башкарма комитеты урынбасарының беренче урынбасары Шәрәфиев Таһир Габдрахман улы укучыларга теләк – тәкъдимнәрен җиткерде, икенче җәйгә дә ял итәргә чакырды. Бәйрәмдә шулай ук “Кояшкай” лагере җитәкчесе ВәлиевИ.И., район балалар иҗат үзәге директоры Шафикова Г.И. катнашты. Әлеге «Иҗатчы» дип аталган смена сәнгать юнәлешендә оештырылган иде, балалар хореография, җыр һәм сынлы сәнгать буенча күнекмәләрен үстерделәр. Һәр өч атнада 60 бала ял итте. III сменада Айнур Халиев җитәкчелегендә әйдаманнар эшләде.

16нчы июльдән Явлаштау авылында урнашкан "Кояшкай" лагеренда III смена үз эшен башлап җибәрде. III смена 2нче августка кадәр дәвам итәчәк. Әлеге смена сәнгать юнәлешендә оештырыла, балалар хореография, җыр һәм сынлы сәнгать буенча күнекмәләрен үстерәчәкләр. Һәр өч атнада 60 баланы ял иттерү каралган, укучыларны экскурсияләр, кызыклы һәм файдалы чаралар көтә. III сменада Айнур Халиев җитәкчелегендә әйдаманнар эшләячәк. Ачылу тантанасы - 18нче июль көнне булачак.  

     Халыкара “Сәләт” Форумы

   Татарстан Республикасы Президенты Р.Н.Миңнехановның йөкләмәсе нигезендә, быел 2012 елның 4 июленнән алып 9 июльгә кадәр тарихта беренче тапкыр Биләр дәүләт тарихи-архитектур музей тыюлыгында 3000 кеше катнашында “Сәләт” Халыкара яшьләр укыту форумы үтте. 1996нчы елдан алып Фестиваль Биләр дәүләт тарихи-архитектур музей тыюлыгында уздырыла. Ә 8нче июль көнне Форумда 5000гә якын кеше катнашты, 7-10 сыйныф чыгарылыш укучыларыннан торган 45 районнан килгән район, республика, региональ һәм Россия күләмендә предмет олимпиадаларында һәм конкурсларда, смотрларда, фестивальләрдә, фәнни конференцияләрдә катнашучылар, лауреатлар очрашты. Чараның хөрмәтле кунагы - Татарстан Республикасының президенты Рөстәм Миңнеханов .

    Районыбыздан әлеге чарада Саба гимназиясе укучылары: Сираҗиев Риназ, Закирова Диләрә, Валиева Әдилә, Ханова Рәзинә, Хабибрахманова Алинә, Юсупова Айсылу, Дәүләтшина Гөлинәләрдән торган делегация катнашты. Форум кысаларында укучылар зур фәнни-укыту һәм мәдәни программа белән танышып, тематик мәйданчыклар һәм республика, Россия Федерациясенең танылган шәхесләре белән очрашты, Ислам конференциясе оешмасы илләреннән һәм ЮНЕСКОдан яшьләр делегацияләре белән аралашты. Форумда шулай ук Делегацияләрне "Сәләт"нең генераль директоры Җәүдәт Сөләйманов, Cпасс районы башлыгы Камил Нугаев, ТР халык артисты Идрис Газиев, ТР яшьләр эшләре, спорт һәм туризм министры Рафис Борһанов, үзешчән композиторлар берләшмәсе җитәкчесе Риф Гатауллин, ТР Фәннәр Академиясе әгъзасыФаяз Хуҗиннар да катнашты.

“Сәләт-Саба” хакында.

Районыбызның Явлаштау авылында урнашкан “Кояшкай” лагереның “Сәләт” сменасында ял итүче 60 укучы да 4-9 июль көннәрен Биләрдә уздырдылар. Ел дәвамында сәләтле балалар белән эшләүне, аларга рухи һәм һөнәри үсүдә реаль ярдәм күрсәтүне, шулай ук интеллектуаль-рухи бай буын тәрбияләүне максат итеп куйган “Сәләт” берлегендә, «Сәләт» проектларын һәм программаларын тормышка ашыруда «Сәләт» клубы, әйдәманнар мәктәбе, уку-укыту һәм мәдәни ял үзәкләре дә эшләп килә. Алда әйтеп үтелгән максатлардан чыгып, быел да «Сәләт» берлеге республиканың төрле почмакларында урнашкан «Сәләт-Рухият», «Сәләт-Биләр», «Сәләт-Саба», «Сәләт-Зәй», “Сәләт – Раушан”, «Сәләт-Чаллы», «Сәләт-Болгар» һәм “Сәләт-Азнакай” дип аталган лагерьларда үзенең эшчәнлеген алып бара. 2003 елда «Сәләт» Фонды һәм район мәгариф бүлеге ярдәме белән Саба районы Явлаштау авылында урнашкан «Кояшкай» аланы (ДОЛ «Солнышко») базасында интеллектуаль һәм спорт юнәлешендәге «Сәләт-Саба» аланы эшли башлады. «Сәләт-Раушан», «Сәләт-Рухият», «Сәләт-Биләр каласы» аланнарында ТР районнарыннан һәм Россия Федерациясеннән дә сәләтле балалар чакырылса, «Сәләт-Саба» аланында исә күпчелекне Саба районы укучылары тәшкил итә. Юнәлешенең дә интеллектуаль һәм спорт дип билгеләнүе очраклы түгел. Чөнки республикабызның төрле спорт бәйгеләрендә ел саен нәкъ менә Саба районы балалары беренчелекне ала, һәм Бөтенроссия бәйгеләрендә республикабыз данын да алар яклый. Биләр фестивале программасы кысаларында уздырылган спорт ярышларында сабалыларның зур уңышларга ирешүе «Сәләт-Саба» аланында үткәрелгән эшнең нәтиҗәле булуы турында сөйли. Иң зур үзенчәлек — сәлкешләрнең барысы да татар телен камил белә.

  Быел да Радик Фатихов һәм Алсу Габделхаева җитәчелегендәге әйдаманнар һәм сәлкешләрнең “Сәләт-Саба” аланы зур уңышларга ирешә.

26 июньнән Явлаштау авылында урнашкан "Кояшкай" балалар сәламәтләндерү лагеренда 2 смена үз эшен башлады. Әлеге сменага районыбызның спорт, иҗат, белем бәйгеләрендә актив катнашып, уңышларга ирешкән укучылары тупланды. Алар бүгеннән "СӘЛӘТ - САБА" аланы сәлкешләре. 27нче июнь көнне лагерьны ачу тантанасы булды. Тантананы Саба муниципаль районы Башкарма комитеты җитәкчесе урынбасары Шәрәфиев Таһир Габдрахман улы теләк – тәкъдимнәрен җиткереп ачып җибәрде. Казаннан килгән кунак - "Сәләт" яшьләр үзәге директоры Рәзинә апа да яхшы теләкләрен җиткерде. Бәйрәмдә шулай ук "Кояшкай” лагере җитәкчесе И.И. Вәлиев, район балалар иҗат үзәге директоры Г.И.Шафикова да катнашты. "Кояшкай” лагеренда күңелне җилкендереп флаг җилфердәде. Тантананы сәлкешләр һәм Фатихов Радик Расилевич җитәкчелегендәге әйдаманнар әзерләгән җыр – биюләр ямьләндерде. "Сәләт"леләрнең 4нче июльдән 9нчы июльгә кадәр көннәре Биләр шәһәрлегендә үтәчәк.

1 июньнән Явлаштау авылында урнашкан балалар сәламәтләндерү лагере "Кояшкай" ("Солнышко") үзенең эшен башлады. Быелгы җәйдә I смена - үзенчәлекле, анда районыбызның кадет интернат - мәктәбеннән 60 кадет ял итә.  Алар белән хәрби юнәлештә чаралар, ярышлар, өйрәнүләр оештырыла.
4 июнь көнне лагерьны ачу тантанасы булды. Тантананы мәгариф бүлеге җитәкчесе Шакиров Илфат Фоат улы кадетларга теләк – тәкъдимнәрен җиткереп ачып җибәрде. Бәйрәмдә шулай ук “Кояшкай” лагере җитәкчесе Вәлиев И.И., Саба кадет – интернат мәктәбе директоры Гайнуллин И.Ш., район балалар иҗат үзәге директоры Шафикова Г.И., балигъ булмаганнар белән эшләү бүлекчәсенең өлкән инспекторы  Зәкиев И.Т., әти – әниләр дә катнашты. “Кояшкай” лагеренда күңелне җилкендереп флаг җилфердәде. Отрядлар рапорт биреп, әзерлекләрен бәян иттеләр, тантананы кадетлар һәм МингазоваГ.Ш. җитәкчелегендәге әйдаманнар әзерләгән җыр – биюләр ямьләндерде. 

 

    Сабантуй — гасырлар буенча нинди генә зилзиләләр булмасын, бик зур, бик тансык, бик шатлыклы, күңелләрне рәхәтләндерә торган милли туй булып, бу көнгә кадәр үзенең әһәмиятен югалтмаган мәдәни байлык, горурланырлык һәм милли-мәдәни күренеш, бәйге бәйрәме буларак сакланып, һәр ел саен кабатланып килә.
      Бүгенге көндә дә авылдан читкә киткәннәрнең, яшь киленнәрнең күңелләрен дулкынландырган Сабантуйга әзерлекнең тагын бер йоласы — бүләк җыю сакланып калган.
      31нче май  көнне иҗат үзәге коллективы да бәйрәм алдыннан кыңгыраулар тагылган ат белән гармуннарны сайратып, Сабабызда бирнә җыеп үтте.
Сабантуйлар күңелле үтсен, тыныч мул тормышта яшәргә язсын!.

 

1 июньнән Явлаштау авылында урнашкан балалар сәламәтләндерү лагере "Кояшкай" ("Солнышко") үзенең эшен башлады. Быелгы җәйдә I смена бик үзенчәлекле, чөнки анда районыбызның кадет интернат - мәктәбеннән 60 кадет ял итә.  Алар белән хәрби юнәлештә чаралар, ярышлар, өйрәнүләр оештырыла. Өлкән әйдаман - Мингазова Гөлия Шамил кызы.