Эшчәнлек барышында балалар аккошлар ясады.

Бүген  район мәдәният йортында  "Талантлар утравы -2015" дип исемләнгән  кастинг булып узды. Безнең балалар бакчасыннан, биредә , Дәүләтшина Диана әбисе белән матур гына чыгыш ясап кайтты. Г.Зәйнәшева  сүзләренә Ф. Әхмәдиев иҗат иткән "Җырлыйм әнием турында" дигән җырны тәрбиячеләре Дамира Данировна белән берлектә  әзерләделәр.

Әлеге бәйрәм уңаеннан без бакчага кадерле әбиләрне чакырдык. Үзебезнең җырларны, биюләрне, шигырьләрне аларга бүләк итәсе килде. Чөнки әбиләр бит сабыйларны- "баланың баласы - балдан татлы",- дип сөючеләр. Үз оныкларының нинди осталыкларга ия булуларын, әле өйдә күрсәтергә өлгермәгән һөнәрләрен күрү әбиләр, дәү әниләр  күңеленә хуш килде. Бәйрәм бүләкләре тапшырылганнан соң, барыбыз бергә җыелып сүрәткә төшеп, тарих битдәренә кереп калдык. 

Әлеге бәйрәм уңаеннан бакчабызда зур тантана булып узды. Эштән арып- талып кайткан әтиләрне кунакка чакырып, аларны бераз ял иттердек. Балалар аларга үзләренең  һөнәрләрен күрсәтте.

Хөрмәтле ир-атларыбыз, кадерле әтиләр! Сезне Ватанны саклаучылар көне белән котлап исәнлек, саулык, эшләрегездә уңышлар,  гаиләләрегездә иминлек теләп калабыз. Янәшәләрендә сезнең кебек әтиләр барында сабыйлар моңаймас, сезнең тәрбия аларны нык һәм батыр булырга өйрәтер.

Ә бәйрәмнән балалар, әтиләре белән бергә, үзләре ясаган самолетларга утырып кайтып киттеләр...

Ярату, хөрмәт итү хисләре белән сугарылган гашыйклар көнен без дә билгеләп үттек. Ярату бит ул күп төрле була.  Мәсәлән, туган илеңне, әти-әниеңне, дусларыңны. Балаларга шушы төшенчәләр аңлатылып, чын йөрәктән яраткан кешеләренә дип йөрәкләр ясалды. Әлбәттә инде бу йөрәкләр иң кадерле кешеләренә- әниләренә бүләк ителде!

Тиздән әтиләребез  бәйрәме якынлаша.Бакчада әлеге бәйрәмгә тулы көченә әзерлек чаралары  бара.

Көн саен балалар иртәнге гимнастикага тезелә. Бүген сезгә  бармаклар өчен гимнастикадан күренеш тәкъдим итәбез.

Февраль ае безне җылы, матур көннәре белән сөендерә. Кышның кадерен белеп калыйк.

6 февраль- кышкы спорт төрләре көне иде. Ә 7-8нче февраль көннәрендә авыл, район һәм шәһәрләрдә "Чаңгы юлы- 2015"  ярышлары узды. Эзмә муниципаль авыл җирлегендә узган ярышлардан без дә читтә калмадык.

Әлеге атна барышында балалар аппликация шөгылендә Россия  Федерациясе һәм Татарстан Республикасы әләмнәрен кызыл, зәңгәр, яшел, ак чәчәкләрдән үзләре ясадылар.