Күренекле галим, тел белгече Әбрар Кәримуллинның мирасын өйрәнүгә багышланган республикакүләм фәнни-гамәли конференциянең "Татар филологиясе" секциясендә актив катнашып, 10 нчы сыйныф укучысы Хамидуллина Язилә I дәрәҗә дипломга лаек булды. 

          Китапка карата мәхәббәт һәм сакчыл караш тәрбияләү максатыннан китапханәче Назмутдинова Г.М. укучылар белән "Китаплар патшалыгы - белем иленә сәяхәт" дигән кызыклы чара үткәрде. "Китаплар", "Төсләр", "Китпларны күп укучылар", "Әкиятләр" тукталышларына сәяхәт кылып, укучылар кызыклы биремнәр башкардылар, борынгы язу ысуллары, китаплар белән таныштылар. Чара ахырында укучылар "Китаплар хастаханәсе"ндә булып, таушалган китапларны тәртипкә китерделәр.

              Укучыларыбызның язгы каникуллары бик кызыклы үтә. 24 нче март көнне 5,10,11 нче сыйныф укучылары Лесхоз бистәсендә урнашкан Нарат боз сараена тимераякта шуарга бардылар. Укучыларыбыз күңелле ял итеп кайттылар. 

            22 нче март көнне Чаллы шәһәрендә Инбер Шафиков истәлегенә багышланган "Моңлы курай - 2015" IV республика конкурсы оештырылды. Түбән Шытсу урта мәктәбеннән "Дубая" курайчылар ансамбле, уңышлы чыгыш ясап, III, 11 нче сыйныф укучысы Шарифуллин Фәнзил 18-35 яшьлекләр арасында I дәрәҗә диплом белән бүләкләнделәр. 

            Укучыларыбызны һәм җитәкчеләре - Ю.Шытсу мәдәният йорты сәнгать җитәкчесе Шарифуллин Илшат Габдрафыйк улын чын күңелебездән котлыйбыз, алга таба да уңышлар телибез.

        В рамках республиканской природоохранной эколого-образовательной акции "Урок леса" учительница химии и биологии Салихова Мансура Назиповна провела беседы, открытые уроки в 1-11 классах.

               6-7 нче сыйныф укучылары Ю.Шытсу авылында яшәүче Габделфәрит бабайның ишегалдын җыештырдылар, карларын тараттылар.

      7, 10 класс укучылары обелискны кардан чистарттылар.