"Балалар китабы" атналыгын ачып, атналыкның планы белән таныштырдык.

    Семинар  "Гаилә, мәктәп, җәмәгатьчелек тарафыннан алып барылган тәрбия эшен бер юнәлешкә туплау формалары"  дигән  темага багышланган иде.  Семинарда 6 сыйныф җитәкчесе Габдракипова Д.А. "Толерантлык турында сөйләшәбез", 11 класс җитәкчесе Шарифуллина Г.А.  "Бәхетең үз кулыңда" дип исемләнгән  класс сәгатьләре үткәрделәр.Чараларда үрнәк гаилә Хидиятуллиннар, "Саба таңнары"  газетасы хезмәткәре Зәмирә Касыймова, ата-аналар комитеты әгъзасы Шарифуллин И.Г., Югары Шытсу авылы китапханәчесе Заһидуллина В.М. катнашты.

"Хезмәт сөйгән халык, дан-хөрмәткә лаек" дип аталган очрашу кичәсенә җававплылыгы чикләнгән "Шытсу" җәмгыятенең сыер савучысы Есинеева Сәрия  апа килде.Ул үзенең һөнәре, тормыш юлы турында сөйләде, укучыларны кызыксындырган сорауларга җавап бирде. 20 елга якын гомерен ул шушы эшкә багышлаган. Бүген аның туган көне. Ул лаеклы ялга китә.Без аңа саулык, тыныч тигез тормыш, күңел көрлеге телибез.

  Тимурчылар  Хуҗин Рахимҗан абыйга ярдәм итәргә бардылар. Ул ялгыз яши, авылда туганнары да юк. Укучылар ишек алдындагы карларны көрәделәр, капка төбен чистарттылар.Рахимҗан абый, рәхмәтләр әйтеп, егетләрне озатып калды.

9 сыйныф укучыларының ата-аналар  җыелышы булды. Анда рус теле, математика фәннәре буенча үткәрелгән репетицион тест нәтиҗәләре буенча аңлату эшләре алып барылды, фикер алышу оештырылды.

"5 кә 5" уены 5 һәм 6 класс укучылары арасында үткәрелде.