11 нче июнь көнне тәрбия дәресе “12 нче июнь – Россия бердәмлеге көне” дип аталды. Дәрес Россия гимнын тыңлау белән башланып китте. Барысы да гимнны аягүрә басып тыңладылар.  Вожатый Файзрахманова Р.Г. гимнны ни  өчен басып тыңларга һәм аның кайсы вакытларда яңгыравын аңлатты. Һәр кеше гимнны белергә тиешлеген азсызыклады.  Шулай ук  аның язылу тарихына тукталды. Вожатый Зарипова  Г.  Россиянең башка символикалары турында  презентация күрсәтте. Презентация барышында Россиянең мөстәкыйльлеге турында Декларация кабул ителүе, аның тарихи әһәмияте аңлатылды.

Математика атналыгы һәм “Наркотикларсыз тормыш”  айлыгы дәвам итә. Бүгенге көн темалары шуңа багышланды. “Космоска юл” темасына  тәрбия сәате самолёт макеты ясау белән дәвам итте. 4 нче класс укучысы Сабирзянов Венер мастер – класс үткәрде. Укучылар МЧС хезмәткәрләренең эше белән танышты һәм үзләренең өлгерлекләрен сынап карадылар. Төшке аштан соң “Параллель дөнья”  темасына наркоманиягә каршы рәсем конкурсы булды.

Лагерьда яңа тематик атна башланды  Математика һәм техник иҗат атнасы. Бүгенге чаралар шул юнәлеш буенча үткәрелде. 21 гасыр техникасы нинди булырга тиеш? Соравына укучылар шактый кызыклы җаваплар бирделәр, үзләренең бар фантазияләрен эшкә җиктеләр. “Кызыклы математика”  балаларны математика иленең серләренә төшендерде. Машина – трактор паркына экскурсия барышында парк җитәкчесе Имамиев Зөлфәт “Мичән” филиалының заманча техника белән тәэмин ителешен һәм алар белән эшләү үзенчәлеген аңлатты. Бүгенге көн  “Кояш, һава һәм су – безнең иң якын дуслар!” дигән чара белән тәмамланды.

Бүген лагерның 6 нчы көне. Бүгенге көн сәламәтле темасының дәвамы булды. Иртәнге зарядка, бадминтон ярышы, бию шөгыле,  фельшер Зәйнетдинова Гөлшаһидә белән “Без начар гадәтләр белән дус түгел!” темасына очрашу, табигатькә экскурсия, саф һавада уеннар балаларның сәламәтлеген ныгыту, сәламәт яшәүне пропагандалау максатыннан оештырылды.

Лагерьда сәламәтлек атнасы дәвам итә. Бүген линейкадан соң иртәнге зарядка үткәрелде.  Илебездә барган спорт үсеше белән таныштыру, укучыларда сәламәт яшәүгә омтылыш булдыру максатыннан Мустафина Ф.М.  “Олимпиада – 2014” темасына  тәрбия дәресе үткәрде. Тәрбия чарасы укучыларда кызыксыну уятты, сораулар биреп, үзара фикерләшеп вакытны  файдалы үткәрделәр.

“Саф һава, кояш, саф су – безнең иң якын дуслар“ темасына елга буенда уеннар оештырылды.

Төшке аштан соң “Универсиада- 2014” темасына тәрбия дәресе үтте.

Лагерьның 4 нче көне сәламәтлекне ныгытуга багышланды. Балалар белән спорт уеннары, йөгерү ярышлары оештырылды. Сәламәт яшәү, наркотикларга каршы темаларына рәсемнәр ясадылар.   "Сәламәт булыйк" темасына стенгазета чыгардылар.

Туган ягыбызның матурлыгын күрсәтү; булдыклы,талантлы шәхесләр белән таныштыру максатыннан  лагерьда  йөрүчеләр өчен Миңгәр авылына сәяхәт оештырылды.  Авыл уртасындагы маур чишмәләр, Сабантуй урыннары, ял итү комплексы белән танышып, Миңгәр авылы кешеләренең булдыклылыгына инандылар.  Якташыбыз Шәүкт Биктимировның туган нигезен күрделәр.

Экскурсия Тимершык мәктәбендә дәвам итте.  Яңа мәктәптә ике мәктәп  укучылары пионербол уйнап, көч сынаштылар.

Төшке аштан соң алган тәэсирләре  белән уртаклаштылар һәм бергәләп уеннар уйнадылар.

Кояшкай” лагерында ял итүчеләр өчен “Сәламәтлек атнасы” бара. Бүген план буенча  хәрәкәтле уеннар, елга буена сәяхәт оештырылды. Алар саф һавада рәхәтләнеп уйнадылар һәм шат күңел белән таралыштылыр. 

1 июнь көнне мәктәп каршында ял һәм сәламәтлек  лагеры ачылды. “Кояшкай” лагерына 30 укучы йөри. Лагерьның флагын күтәрү уку алдынгысы Галимуллин Булатка тапшырылды. Лагерьда Балаларны яклау көне уңаеннан Сабантуй, асфальтка рәсем ясау чаралары оештырылды.

Соңгы кыңгырау ул, урта мәктәпне тәмамлап, зур тормышка, олы дөньяга юлланган егетләр һәм кызларны алдагы көннәрнең гаҗәп