Бүгенге көнне балалар түземсезлек белән көтеп алды. Лесхоздагы урман музеенда булганнан соң, "Нарат" боз сараенда рәхәтләнеп шудылар, ял иттеләр.

Лагерь тормышына укучылар өчен көтеп алган көн бар: бассейнга бару. Сәяхәт Саба гимназиясендә "Робототехника" түгәрәгеннән башланды. Түгәрәк һәр балага файдалы һәм кызыклы булды. Ә бассейнда йөзү -һәркемгә рәхәт!

Лагерьда "Экология аталыгы" бара. Туган якның табигате, аның тарихы, экономик һәм экологик торышы өйрәнелә. Бүгенге тәрбия дәресен тарих укытучысы Мингазова Н.Р. "Бабам эзләре" темасына үткәрде.  Мичән җирлегендә туып - үскән кешеләрнең эшләре, матур тормышлары, авыр еллардагы бердәмлеге турында тыңлау кызыклы булды. Чараның дәвамы Мишә елгасы буенда үтте. Балалар елганың схемасын төзеделәр, тәҗрибә ясадылар. Көн буена алган тәэсирләре белән “Минем туган авылым”  темасына иншада чагылдырдылар.

Лагерь тормышын кызыклы  һәм файдалы итеп үткәрү өчен ниләр генә уйлап тапмыйбыз. Бүгенге көн иң күңелле көн булгандыр, чөнки ике отряд арасында "Аҗаган" уены оештырылды. Уенны мавыктыргыч итеп оештыруда  вожатыйлар һәм физруклар тырышты. Марш җырлап үтү, ориентлашу, флаг эзлзү, ярдәм итү, ераклыкка ату, граната ыргыту һ.б. уеннар нәтиҗәле үтте.  

Бүгенге көн лагерь  күңелле уеннары, ярышлары белән истә калачак. Башлангыч сыйныф укытучысы Мифтахова Гөлсирин Расимовна "Татарстаныбыз даны" темасына чара үткәрде. Туган якның горурланырлык шәхесләре, уңышлары, яңарышлары турында сөйләде. Чара ахырында видеоролик карадылар. 

Лагерь тормышы "Математика һәм техник иҗат" темасы белән дәвам итә. Бүген информатика укытучысы Сабирзянова Ф.М. балаларны компьютер серләренә төшендерде. Саф һавада уйнап, табигатьтә экскурсиядә тәмле - тәмле  каен җиләкләре белән сыйланып тәнгә- җанга көч тупладылар. Көн дәвамында футбол ярышы оештырылды.

15 июнь - Әтиләр көне уңаеннан әтиләр һәм балалар кич белән футбол  уйнадылар.Уен бик кызыклы һәм мавыктыргыч булды.

Бәйрәм тантанасы 12 Июнь  көнне иртәнге линейкада башланды. Укучылар дәүләт символлары турында белемнәрен күрсәттеләр. Туган ил,дуслык турында шигырьләр сөйләделәр. 

Бүген иҗади бәйге үткәрелде. һәр укучы еатраль сәләтен ачты.