Балалар балән Мишә елгасы буена тошеп, аның матурлыгына сокландык,казларның су коенганнарын күзәттек. Балыкчылар көне уңаеннан үзебез белән кармаклар да алган идек.

Рәссамнар көне уңаеннан балалар үзләрен кечкенә рәссанар  итеп хис иттеләр. Нәни кулларына  карандаш, кисточкалар алып үзләренә ошаган рәсемнәрен ак кәгазь битенә тошерделәр. Соңрак Татарстан рәссамнары ясаган картиналарны чагылдырып ясалган призентация карадылар.

8 нче июль - Бөтендөнья гаилә, ярату, тугрылык көне билгеләп үтелә. Бу бәйрәм 2008 нче елдан башлап билгеләнә башлаган. Шушы форсаттан файдаланып балалар бакчасында тәрбияләнүче балалар белән гаиләләре турында эңгәмә оештырылды. Алар үзләренең әти-әниләре, туганнары турында сөйләделәр.

Кечкенә дустыбыз Илзәр үзенең 4 яшен тутырды. Аны туган көне белән котлыйбыз!

Балалар бакчасының  тәҗрибә участогында кишер, чөгендер, суган, кыяр, помидор, бәрәңге үстерәбез. Үзебез үстергән  продукцияне балаларга ашату өчен кулланабыз.

Сколько вас, пышных, желтых, веселых

Распустилось у всех на виду 

Булганнан бар да була шул.

Атлар иярләденме,

Тайлар йөгәнләденме?

Сабантуе җитә диеп

Яулык әзерләденме?

3 нче июнь көнне авылыбызның милли бәйрәме  - Сабантуена яулык җыю оештырылды. Тирә-юньгә җыр-моң таралды.Чигелгән сөлгеләр белән бизәлгән ат арбасына  утырып без балалар урам әйләндек. Авылдашларыбызны Сабантуена чакырдык.

Бүген бездә Сабантуй - 

Эшләреннең барын куй!

Тизрәк йөгер мәйданга,

Бәйрәм башлана анда.

Балаларны яклау көне уңаеннан  район күләм балалар бакчалары арасында әкиятләрне сәхнәләштреү буенча бәйрәм үткәрелде. Безнең балалар бакчасы А.Алиш иҗатына нигезләнгән "Куян кызы" әкиятен сәхнәләштерделәр.Балалар рольләрне образга кереп, бик яхшы итеп, яратып башкардылар. Катнашкан һәр балага истәлекле бүләкләр бирелде.Балалар бакчасы коллективы мактау грамотасы белән бүләкләнде.

30 нчы май көнне бакчабызда "Хуш бакчабыз!" дип аталган  бәйрәм оештырылды.. Бәйрәмгә әти-әниләр, әби-бабайлар  чакырылган иде. Бу көнне дусларыбыз  Газиз белән Азалияне мәктәпкә озаттык. Аларга хәерле юллар, һәрвакыт тырыш һәм сәламәт булуларын телибез. Әти-әниләр исеменән Азалиянең әтисе балалар бакчасы коллективына рәхмәт хисләрен белдерде, ә балалар шигъри тәлгәшләрен бүләк иттеләр.

Тәрбияче апалар! 

Безнең әниләр күк сез,

Рәхмәтебез сезгә чиксез

Сезне онытмабыз без.