Балалар бакчасының  тәҗрибә участогында кишер, чөгендер, суган, кыяр, помидор, бәрәңге үстерәбез. Үзебез үстергән  продукцияне балаларга ашату өчен кулланабыз.

Сколько вас, пышных, желтых, веселых

Распустилось у всех на виду 

Булганнан бар да була шул.

Атлар иярләденме,

Тайлар йөгәнләденме?

Сабантуе җитә диеп

Яулык әзерләденме?

3 нче июнь көнне авылыбызның милли бәйрәме  - Сабантуена яулык җыю оештырылды. Тирә-юньгә җыр-моң таралды.Чигелгән сөлгеләр белән бизәлгән ат арбасына  утырып без балалар урам әйләндек. Авылдашларыбызны Сабантуена чакырдык.

Бүген бездә Сабантуй - 

Эшләреннең барын куй!

Тизрәк йөгер мәйданга,

Бәйрәм башлана анда.

Балаларны яклау көне уңаеннан  район күләм балалар бакчалары арасында әкиятләрне сәхнәләштреү буенча бәйрәм үткәрелде. Безнең балалар бакчасы А.Алиш иҗатына нигезләнгән "Куян кызы" әкиятен сәхнәләштерделәр.Балалар рольләрне образга кереп, бик яхшы итеп, яратып башкардылар. Катнашкан һәр балага истәлекле бүләкләр бирелде.Балалар бакчасы коллективы мактау грамотасы белән бүләкләнде.

30 нчы май көнне бакчабызда "Хуш бакчабыз!" дип аталган  бәйрәм оештырылды.. Бәйрәмгә әти-әниләр, әби-бабайлар  чакырылган иде. Бу көнне дусларыбыз  Газиз белән Азалияне мәктәпкә озаттык. Аларга хәерле юллар, һәрвакыт тырыш һәм сәламәт булуларын телибез. Әти-әниләр исеменән Азалиянең әтисе балалар бакчасы коллективына рәхмәт хисләрен белдерде, ә балалар шигъри тәлгәшләрен бүләк иттеләр.

Тәрбияче апалар! 

Безнең әниләр күк сез,

Рәхмәтебез сезгә чиксез

Сезне онытмабыз без.

Балалар язучы  А.Алиш иҗаты белән таныштылар. Бакчабызда язучының әкиятләрен яратып укыдык,әкиятләренә иллюстрацияләр ясадык. "Мин кайсы әкияттән?" - дип исемләнгән викторина - ярыш оештырдык. "Чукмар белән Тукмар", "Куян кызы" әкиятләрен сәхнәләштерү  дә бик күңелле булды. Барлык балалар да бик теләп, актив катнаштылар.

Саба районы  мәдәният йортында район күләм "Талантлар утравы -2015 "  гаиләләр ансамбле фестиваленең Гала концерты булып узды. Безнең бакчадан  Зарипов Газиз үзенең әнисе һәм абыйсы белән бергәләп "Чәй эчәбез бергәләп"  җырын башкарды. Газизгә алга таба да уңышлар, сәламәтлек телибез. Афәрин, дустыбыз Газиз!

Хәтердән уела күп нәрсә,

Онытыла иң гүзәл яз, кышлар.

Онытылмый үзенең иңендә

Ил данын күтәргән язмышлар.

Вакытлар үтүгә сүрелеп

Сүнәләр иң якты балкышлар.

Сүнмиләр, яктылык сибәләр

Көрәштә кабынган язмышлар!

Булыр икән кешеләрнең

Анадан туган көне.

Җиңү көне — бу дөньяның

Яңадан туган көне.