Мәктәптә "Чыршы бәйрәменә" әзерлек бара.

Без  бүген  төрле һәнәрләр  белән  танышу  өчен  Шәмәрдән  бистәсенә  юл алдык.   Иң  беренче  ТатАГРО   оешмасында булдык. Анда   чит ил транспортларын карадык.  МЧС  оешмасында  безгә  бигрәк  тә ошады . Соңыннан  тегүче, газ оешмасында  хезмәт куючы  һөнәр  ияләре  белән  очраштык. Экскурсия  безгә  бик ошады. 

4  декабрь  көнне  Инвалидлар  ункөннеге  кысаларында  мәктәптә  шәфкатьлелеккә  багышланган  1-4  класссларда  “Яхшылык  эшләсәң, яшәве  күңелллерәк”,

5-8   классларда “Шәфкатьлелек  кешене  бизи”, 10-11 классларда  “Әйдәгез  бер-беребезне  аңлыйк”,  дигән  темаларга  тәрбия  сәгатьләре  уздырылды .

3 декабрь   көнне   “Билгесез  солдат  көне”нә  багышлап сбор  уздырылды. Педагог-оештыручы Магсумова А.М.  әлеге истәлекле датаның  мәгънәсе  турында  сөйләде  Укучылар  белән Курсабаш  авылында  урнашкан “Билгесез  солдат  ” мемориал  комплекс  янына   барып тирә-юнен   тәртипләделәр. 

27 ноябрь көнне 5,8,10 сыйныф укучылары тәрбия сәгатендә Исламова Миннегөл апа белән очраштылар. Бу очрашуда  әниләр турында әңгәмә дә алып барылды.

Район күләмендә үткәрелгән "Иң кадерлем - әнием" шигырь конкурсында Шарипова Адилә 1 нче урынны алган. Аңа алга таба да уңышлар телибез!

8ноябрь көнне 5,6, 9класс укучылары "Нарат" боз сараена бардылар. Бик күңелле ял итеп кайттылар. Яңа көч туплап, 2чирекне башлап җибәрдек

7 ноябрь көнне 1-5 класслар арасында шахмат буенча район чемпионаты узды. Безнең мәктәптән 9 укучы катнашты. 1-2 класслар арасында Йосыпов Наил 1урын, Җиһаншина Адилә 3 урынны алдылар. 3-5 класслар арасында Нәгимова Зилә 1 урынны алды. Котлыйбыз!

5 нче ноябрь көнне 6 класс укучысы Ибраева Фидания һәм 7 класс укучысы Ибраева Минзада район күләмендә үткәрелгән "Дарование-Сәләхият" конкурсында катнаштылар. Проза жанрында уңышлы чыгыш ясап, Ибраева Минзада (җитәкчесе Акбирова В.Ф) 2 урын, Ибраева Фидания (җитәкчесе Зиганшина Р.З.) 3 урынны алдылар. Котлыйбыз кызлар!

31 нче октябрь көнне ата-аналар җыелышы үткәрелде. Мәктәп директоры Илшат Мирдахметович мәктәп яңалыклары, укучыланың туклануы һәм алдагы планнар белән таныштырды. Завуч Рәсимә Магсумовна беренче чирек нәтиҗәләре, чыгарылыш сыйныф укучыларының үткәреләчәк имтиханнары турында аңлатып үтте. Тәрбия эшләре буенча директор урынбасары Рәмзия Нурисламовна "Наркотикларсыз тормыш" айлыгы кысаларындагы эшләр, көзге каникул планы белән таныштырды.