8 март- Халыкара хатын кызлар бәйрәме уңаеннан "Иң кадерлем-әнием"дигән күңел ачу чарасы үткәрелде.Балалар әниләрен ничек яратулары,булышулары турында шигырьләр  сөйләделәр,җырлар җырладылар,биеделәр. Кичә бик күңелле булды.

Балаларны татар халкының милли киемнәре, аларның бизәлеше белән таншытыруны дәвам итү, татар кызларының кул эшләре - тегү, чигү, бәйләү һөнәрләре белән кече яшьтән таныш булуларына төшендерү; балаларда матурлыкны күрә һәм аны саклый белү сыйфаты, зәвыклылык тәрбияләү максатыннан "Әбиемнең серле сандыгы" темасы астында үткәрелгән атналык барышында күп кырлы эш алып барылды. "Татар халкының милли киемнәре", "Татар халкының милли чигү үрнәкләре" темасына презентацияләр күрсәтелде, түбәтәй, калфак чигү, читек бизәү орнаментлары белән таныштырылды. Балаларның алган белемнәре иҗадый сәнгать эшчәнлекләре барышында киң чагылдырылды һәм аларның эшләре буенча күргәзмә оештырылды. 

Бу атнада балалар Муса Җәлилнең иҗат һәм тормыш юлын өйрәнәләр.   Шагыйрьнең әсәрләрен кызыксынып тыңлыйлар , яттан өйрәнәләр.

Балаларның Рәсәй башкаласы- Мәскәү, Татарстан башкаласы- Казан турындагы беклемнәре баетылды,Россия символикасы турында мәгълүмәт бирелде. Оештырылган чаралар аша балаларда туган илне ярату, башка милләт вакилләренә карата хөрмәт тәрбияләләнде.

Һәр кешенең, балаларыбызның сәламәтлеген саклау һәм ныгыту һәр шәхес өчен, тулаем җәмгыять өчен зур әһәмияткә ия. Балаларыбызның сәламәтлеге - ул киләчәк буыннарның сәламәтлеге. Шул максаттан чыгып балаларны кече яшьтән спорт төрләре белән танышытыру, сәламәт яшәү рәвеше алып бару,физик культура, спорт белән шөгыльләнергә теләк уяту; балаларда хәрәкәт активлыгына ихтыяҗ формалаштыру; сәламәтлекләренә карата игътибарлылык, сак караш тәрбияләү буенча күп кырлы эш алып барыла. Балалар физкультура шөгыльләрен көтеп алалар, теләп катнашалар.