28 декабрь көнне бакчабызда "Яңа ел бәйрәме" булып узды.  Тәрбиячеләр, балалар  белән берлектә әзерләгән  "Котлы булсын Яңа ел!"  исеме астында бәйрәм чарасы күңелле, эчтәлекле булды. Кунакка килгән Кыш бабай, Кар Кызы  балаларны җитезлектә, тапкырлыкта, өлгерлектә сынадылар , кызыклы уеннар уйнаттылар, һөнәрләре белән танышып матур теләкләрен җиткерделәр.

Карның сыйфатын: җепшек ,каты,салкын,ак,йомшак кояшта җемелдәвен , чаңгыда йөри-йөри күзәттек.

Балалар белән атна дәвамында кыш турында шигырьләр, җырлар өйрәндек.Табышмакларга җаваплар таптык,рәсемнәр ,  бик матур итеп кар бөртекләре ясадык.

Кояш йөри сүрелеп кенә,

Болытка төренеп кенә.

Кыяр- кыймас әйләнгәләп,

Кар ява иренеп кенә.

                                       Бу әле- кышның малае,

                                        Бу- беренче кар әле.

                                        Ак сакаллы, җил- буранлы

                                       Кыш бабае бар әле.

29 нчы ноябрь көнне балалар бакчасында зур бәйрәм- әниләр көне үткәрелде.  Бу бәйрәмне балалар бик дулкынланып көттеләр , нәни куллары белән әниләренә бүләкләр ясадылар. Бәйрәм алдыннан бакчабызда бик матур "йөрәкләр  агачы"  барлыкка килде. Чарада балаларның яраткан әниләре, әбиләре катнашты. Нәниләр өйрәнгән шигырьләрен сөйләделәр, матур җырлар башкардылар, театрәлләшкән тамаша күрсәттеләр,үз куллары белән тырышып ясаган   бүләкләрен тапшырдылар.. Кыскасы әниләрен чын күңелдән бәйрәм белән котладылар.  

Бу атнада балалар  төньяк һәм көньяк илләре, анда яшәүче халыклар, хайваннар, үсемлекләр, карта һәм глобус белән таныштылар.Антарактиданың табигате турында видиофильм һәм Лоло исемле пингвин баласы турында мультфильм карадылар.Аннары пингвин баласының рәсемен дә ясадылар.

Бу  атна "Безнең хокукларыбыз" атналыгы булды Балалар хокук  төшенчәсе турында белем алдылар,  хокуклары бозылган әкият геройлары белән очраштылар."Казлар- аккошлар", "Уймак кыз”","Үги кыз","Кызыл калфак" әкиятләренә сәяхәт иттеләр.