"Әбиемнең серле сандыгы" атналыгы барышында балаларны туган телнең матурлыгын тоярга өйрәтү, туган телдә матур итеп сөйләшергә, үз фикерләрен җиткерә белергә күнектерү, туган телебезгә мәхәббәт тәрбияләү. Татар халкының милли киемнәренә һәм бизәнү әйберләренә кызыксыну уяту, аларның үзләренә генә хас булган нәфис бизәлешенә, уңайлылыгына соклану хисләре тәрбияләү; балаларда матурлыкны күрә һәм аны саклый белү сыйфаты, зәвыклылык тәрбияләү йөзеннән  максатчан эш алып барылды. Атна дәвамында "Серле сандык",  "Халкыбызның күңел бизәкләре",  "Милли җәүһәрләребез" темаларына бердәм эшчәнлекләр үткәрелде.  Балалар алъяпкыч бизәделәр. Һәр бала алъяпкычны  мөстәкыйль, иҗади, үзенчәлекле итеп бизәргә тырышты.