Һәрдаим интернет- конкурсларда катнашып киләбез.Эзләнү проект эше буенча үткәрелгән Бөтенроссия "Талантоха"конкурсында катнашып тәрбияче Гайфиева Г.Т.диплом белән бүләкләнде.

Бүген Муса Җәлилнең туган көне уңаеннан "Муса Җәлил - халык улы" кичәсе үткәрдек. Балалар аның җырларын өйрәнделәр, шигырьләрен матур итеп сәхнәләштерделәр.

Россия күләмендә үтүче "Сәламәт балалар- сәламәт гаиләдә"акциясендә актив катнашып,авылыбызда яшь гаиләләрдә туган балаларны барладык.Бүген балалар һәм тәрбиячеләр Мубараков Зөлфәт-Фәридә гаиләсен кызлары Фирүзә туу белән котлап,үз куллары белән ясаган бүләкне тапшырдылар.

Бу көннәрдә бакчабызда  "Сәламәт яшәү рәвеше" исеме астында төрле чаралар үткәрелде.Балаларга үз сәламәтлекләренә карата игътибарлылык,сак караш тәрбияләү буенча әңгәмәләр,күңел ачу,ярышлар оештырылды.

Бүген балалар, Илдар һәм Әлфия Сабировлар гаиләсенә, кызлары туу белән котларга бардылар.Нәни Зәлиянең сау-сәламәт булып,ай үсәсен көн үсеп, тизрәк бакчага килүен теләделәр.

Бу атна бакчабызда "Юлларда иминлек кирәк"темасы астында узды.Атна дәвамында балалар юлда исән-имин йөрү кагыйдәләрен өйрәнделәр,урам, транспорт чаралары турында белемнәрен ныгыттылар.