Кадеоле әниләрне котлап, кечкенәләр төркеменә йөрүче балалар күмәк эш башкардылар. Алар тәрбияче апалары белән белән бергәләшеп, котлау открыткасы ясадылар.

Әни – җирдә иң газиз, иң якын кеше, чөнки ул сине тудырган, күкрәк сөтен имезгән, җыр көйләп бишектә тибрәткән, беренче елмаюыңны күреп куанган, туган телне өйрәткән, халык моңын күңелеңә сеңдергән. Әниләрнең сиңа кылган  изгелеген санап бетерү мөмкинме соң?

    Көннең яктылыгы-кояшта, күкнең матурлыгы-йолдызларда, җирнең гүзәллеге-хатын-кызларда. Сезне бөтен җир йөзен бизәгән Әниләр бәйрәме белән тәбриклибез. Кадерлик без әниләрне, олылыйк! Аларның канатлары каерылмасын, тормыш авырлыкларыннан иңнәре сыгылып төшмәсен! Хатын-кыз һәрвакытта да хатын-кыз булып калсын!

Рәхмәт, әнкәй, гомер бирүеңә,

Төн йокыларыңны бүлүеңә.

Безгә нык канатлар куюыңа,

Ышанычлы терәк булуыңа.

Иң кирәкләрнең кирәге

Әниебез бигерәк.

Нигә икәнен санарга

Бармаклар бик күп кирәк.

Бөтенроссия "Бала хокукларын саклау" акциясендә безнең балалар бакчасы да катнашты.

Знакомство с понятием "длинный",короткий",длиннее,короче;обучение сравнению предметов по длине.

Куяннар да ак тун кигән,

Каеннар да ак туннан.

Бүреккә дә, керфеккә дә,

Борынга да ак кунган.

Шундый якты, шундый нурлы -

Бөтен дөнья ак кына...

Ап-ак була белә шулай

Безнең туган як кына.

Кечкенәләр төркеменә йөрүче балалар рәсем эшчәнлегендә Кар бабайлар ясадылар.

Кар, кар, кар ява,

Бураннарны туздыра.

Кулларга төшеп эри,

Үзе бик тиз туңдыра.

Йомшак карны алабыз,

Аннан шарлар ясыйбыз.

Кар атышып уйныйбыз,

Бик күңелле яшибез.

Юл йөрү кагыйдәләрен өйрәнү максатыннан,кечкенәләр төркемендә "Светофор утлары"дип аталган йомгаклау чарасы үткәрелде.

Урамда матур йөрергә

Өйрәтәләр апалар.

 Юлда йөри белмәсәгез

Начар була, ди алар.

          Машиналар чаба гына

                 Юлга йөгереп чыкма.

                 Юлда йөрү кагыйдәсен

                 Беркайчан да онытма.

Юл чатында светофор

Һәр кешене күзәтә.

Юлны  аркылы чыгарга,

Юл йөрергә өйрәтә.