Төшке ашка кадәр укучыларыбыз белән бик күңелле чара - "Дуслык һәм изгелек утравы" үткәрелде. Ә инде "Герб, гимн, тарих" дип аталган квест - уенда укучыларыбызның илебез, аның тарихы  турында булган белемнәре тикшерелде. Шулай ук Россия көненә карата плакатлар конкурсы да оештырылды.

Көнебез табигатьне саклау буенча проект эшләре башкарып, ГТО нормативлары тапшырып, күңелле уеннар белән сизелми дә үтте.

Лагерьдагы бүгенге көнебез шахмат турниры, күңелле шашка уены, "До,ре,ми,фа" дип аталган җыр конкурсы, комик футбол уйнау белән истә калачак.

6нчы июнь - Россиядә Пушкин көне буларак билгеләп үтелә. Лагерьда да әлеге көнне билгеләп үттек: А.С.Пушкин иҗаты буенча интеллектуаль уен үткәрелде. Шулай ук Эзмә авылында урнашкан Мавлетов А.Х.ның мебель цехына, почтага, "Игенче" күмәк хуҗалыгы бухгалтериясенә, "Балкыш" кибетенә экскурсия оештырылып, төрле һөнәр ияләре һәм аларның башкарган хезмәтләре белән таныштылар.

5нче июнь - Бөтендөнья әйләнә - тирәне саклау көне. Шул уңайдан, бүгенге көнебез табигатькә багышланды. Укучыларыбызның табигать турында белемнәре тикшерелде, табигатьне саклау кагыйдәләре искә төшерелде, табигатькә экскурсия оештырылды. 

Лагерьга укучыларыбыз теләп йөри. Бүген иртәнге аштан соң ТАССРга 100 ел уңаеннан проект эшләре һәм рәсем конкурсы уздырылды, балигъ булмаган балалар белән эшләү инспекторы Габдрахманов Р.В. профилактик әңгәмә үткәрде, Төшке аштан соң болынга экскурсия оештырылды.

"Йолдызлар фабрикасы" дигән концертта укучыларыбыз үзләренең сәләтләрен күрсәтте. Әлеге концерт зур әзерлек белән оештырылды һәм үткәрелде.  

Лагерьның бүгенге көне дә күңелле уеннар, бәйгеләр белән истә калды. Балалар белән "Һөнәрләр илендә" дип аталган викторина уздырылды, иң күп балл җыйган укучыларыбызга грамоталар тапшырылды, "Сәламәтлек үз кулымда" дигән темага проект эшләре эшләнде, төшке аштан соң спорт мәйданчыгында спорт уеннары оештырылды. 

Бүген мәктәбебездә "Дуслык" ял һәм сәламәтләндерү (45 укучы), "Кырмыска" хезмәт һәм ял лагере (7 укучы)  үз эшләрен башлап җибәрде. "Дуслык" лагерена йөрүче укучыларыбыз иртәнге аштан соң отрядларга бүленеп, исем, җыр сайладылар, отряд почмагы чыгардылар. Төшке аштан соң, Балаларны халыкара яклау көне уңаеннан, асфальтта рәсем ясау конкурсы уздырылды, хәрәкәтле уеннар уйналды.

Детский телеканал на татарском языке "ШАЯН ТВ"

Татар телендә балалар телеканалы "ШАЯН ТВ"