29 нчы сентябрь көнне гимназиябезгә озак еллар Саба мәктәбендә хезмәт иткән, хәзерге вакытта лаеклы ялда булган ветеран укытучылар, хезмәткәрләр кунакка килде. Өлкән укытучыларыбызны бәйрэм белән гимназиябез директоры Ханафиева Айгөл Шакирҗановна, профсоюз комитеты рәисе Гаррапова Гөлчәчәк Хаҗимөхәммәт кызы котлады. Өлкәннәргә 2 нче В һәм 3 нче Б сыйныфы укучылар (җитәкчеләре Нуриева Л.Ф., Ибрагимова Н.Ф.) көче белән әзерләнгән концерт программасы тәкъдим ителде. Җыр – биюле, матур шигырьле әлеге тамаша өлкәннәребез күңеленә хуш килде. Кичәнең икенче өлеше гимназиябез ашханәсендә дәвам итте. Бер күрешү – үзе бер гомер бит. Өлкәннәр чәй табыны артында бер – берсенең хәлләрен белеп, эшләгән дәвердәге хатирәләре, истәлекләре белән уртаклаштылар. Кичә бик күңелле үтте.