15 нче февраль - Совет гаскәрләренең Әфганстан җирлегеннән чыгарылган көне. Шул уңайдан 10 нчы февраль көнне гимназиядә 7, 10-11 нче сыйныф укучылары өчен Әфганстан җирендә үзләренең интернациональ бурычларын үтәгән райондашларыбыз: Шамсутдинов Фәнис, Гимадиев Рамил һәм МЧС югары уку йортында укучы Шамсутдинов Ниязлар белән очрашу үткәрелде. 6В һәм 6А сыйныфы укучылары (сыйныф җитәкчеләре Юнусова Л.Г., Фатыхова Д.И.) әзерләгән концерт программасыннан соң, алар үзләренең Әфган җирләрендә үткәргән көннәре, сугыш вакыйгалары турында сөйләделәр. Егетләребезне киләчәк 23 февраль – Ватанны саклаучылар көне белән котладылар. Очрашуда катнашкан, гимназияне тәмамлаган Шамсутдинов Нияз үзе укыган югары уку йорты, андагы укуга куелган тәлапләр турында мәгълүмат җиткерде. Физик яктан әзерлекле егетләрне үзе янына укырга керергә чакырып калды. Килгән кунаклар укучыларны кызыксындырган сорауларга җавап бирделәр. Очрашуны әзерләүдә булышкан укытучыларга, укучыларга зур рәхмәтебезне җиткерәбез.