Бүген районыбызда укытучыларның Кышкы спартакиада уеннары башланып китте. Шахмат ярышы, чаңгы, өстәл теннисы буенча ярышларда катнашып, биология укытучысы Айсылу Ильясовна һәм физик тәрбия укытучысы Илнур Илсурович чаңгы ярышларында III урын яуладылар.

Бүген балалар коллективын оештыручы Ахатова Т.А. " Кыңгырау" отрядында "Күңелле балачак" темасы буенча җыен үткәрде,7 нче сыйныф укучылары шефлыкка бардылар, 5 сыйныф укучылары саф һавага чаңгыда йөрергә чыктылар 

Бүген Ахметова Светлана Владиковна 5 нче сыйныф укучылары белән "Китап иң яхшы дус" дигән темага ачык класс сәгате үткәрде.

Дәрестән тыш эшчәнлек вакытында Фаваризова Гөлнирә Галимҗан кызы 4 нче сыйныф укучыларына кәрзин үрү серләрен төшендерде.

Бүген мәктәбебездә район конкурсының "Балалар коллективын оештыручы" номинациясендә катнашучы Әхәтова Тәгъзимә Айрат кызы 7 нче сыйныф укучылары белән "Мәңге сүнми торган хәтер" темасына ачык җыен үткәрде.

I сыйныф укучылары белән "Минем гаиләм" дигән темага җыен үткәрелде. Укучылар үзләренең гаиләләре турында сөйләделәр, гаиләләренең портретларын ясадылар. 

Мәктәбебезнең хореография укытучысы Әхмәтҗанова Адилә  укучылар белән вокал буенча ачык дәрес үткәрде.

Бүген 6 нчы сыйныф укучылары Рәшит бабай белән Фирая әбиләргә барып аларның хәлләрен белделәр, йорт тирәсендә булган эшләрендә булыштылар.

Бүген укытучыларның чираттагы педсоветы үткәрелде. Педсовет "Федераль дәүләт белем стандартлары нигезендә укыту үзенчәлекләре" дигән тема астында үтте, I яртыеллыкка контроль эш нәтиҗәләренә йомгак ясалды, БДИ на әзерлек тикшерелде.