Бакчабызда һәрдаим төрле акциялар үткәрелә. 21 нче сентябрьдан 4 көн дәвамында "Подарим бумаге вторую жизнь" макулатура җыю акциясы үткәрелде. Бу акцияда әти-әниләр, балалар көче белән 660 кг макулатура җыелды. Иң күп макулатура җыйган төркемнәр һәм аерым балалар грамоталар белән бүләкләнделәр. 

Табигатебезне саклыйк!!!

Бүген "КЫҢГЫРАУ" балалар бакчасының мәктәпкә әзерлек төркеменә йөрүче малайлар, кызлар "НАРАТ" боз сараена чираттагы хоккей түгәрәгенә бардылар. Аларны анда тренерлары Рүзәл Нуриев каршы алып, файдалы һәм кызыклы күнегүләр үткәрде.

Бүген уртанчылар төркеме балаларының рәсем шөгыленә "Назлыкай" чәчәк бәйләмнәре алып килде. Тиздән бакча хезмәткәрләренең бәйрәме җитүен әйтте. Ләкин чәчәкләрнең ботен хезмәткәргә дә җитмәвен һәм балалар ясап бирүләрен сорады. Балалар рәсем алымнарын дөрес кулланып "цинния" чәчәген бик матур итеп ясадылар. "Назлыкай"га да, балаларга да шөгыль бик ошады. Балаларның рәсеме гуя гөлләр  бакчасына әйләнде.

Бүген ясле төркеме балалары Әминә исемле курчакны һәм аның дусларын тәмле ризыклар белән сыйладылар. Әминә курчакка коймак пешерделәр, чәй эчерделәр. Кунаклар балаларга рәхмәт әйтеп, саубуллашып киттеләр.

Буген   беренче кечкенәләр төркемендә “Беренче кечкенәләр төркеме балаларының адаптацион чор үзенчәлекләре, 2-3 яшьлек балаларга тәрбия һәм белем бирү  бурычлары” темасына әти-әниләр җыелышы үткәрелде. Әти-әниләр бу уку елына куелган тәрбия һәм белем бирү бурычлары , адаптацион чор үзенчәлекләре белән таныштырылды. Әти-әниләр үзләрен кызыксындырган сорауларга җаваплар алдылар, теләк- тәкъдимнәрен җиткерделәр.

Зурлар төркеме балалары атналык йомгаклау чарасында алтын көзнең  матурлыгы, гүзәллеге, муллыгы турында матур шигырьләр сөйләделәр, җырлар җырладылар.  Яфраклар көенә кушылып  биеделәр. Бакча хуҗасы - Карачкы алып килгән сый-нигъмәтләр белән сыйландылар. Балаларга йомгаклау  чарасы бик ошады.

Беренче иң кечкенәләр төркеме балалары белән яңа уку елы башланып китте. Алар шөгыльләрне көтеп алалар. Менә бүген дә, бабай алып килгән кәрзиндәге көз күчтәнәчләрен, балалар бик теләп карадылар. Мул уңышның исемнәрен, төсләрен, сыйфатларын өйрәнделәр. 

Уртанчылар төркеме балаларына бүгенге ана теле шөгыленә Куян-Назлыкай килде. Ул үзе б/н кәрзиндә яшелчәләр алып килгән иде. Балалар табышмакларга дөрес җавап биреп-яшелчәләрне атадылар. Аларның сыйфатларын белделәр: кыярның-каты, шома, кытыршы булуын; ашаганда кетердәвен билгеләделәр. Суганның кеше организмына бик файдалы булуын ачыкладылар. Помидорның йомшак, тәмле икәнен әйттеләр. Ахырда салат ясап, аны ашап,  Назлыкайга рәхмәт әйтеп шөгыльне тәмамладылар.

Буген 2 нче кечкенәләр төркеме балалары янына Көз килде. Ул буш кул белән килмәгән,кәрзин белән көзге муллык алып килгән. Балалар бик шатланышып көзне каршы алдылар,аның белән төрле уеннар уйнадылар. Кучтәнәчләре белән сыйландылар.

Зурлар төркеме  әти-әниләр җыелышы  19 сентябрь көнне узды. Узган уку елына йомгак ясалды, 2018-2019 уку елына яңа  бурычлар куелды.