Хөрмәтле өлкәннәребезне искә алу  өчен бу көннәрдә төрледән-төрле чаралар уздырыла.Бездә нәниләребез белән ”Әби бабай безгә килгән “дип исемләнгән чара уткәрдек.  Бу бәйрәм ничек барлыкка килгәнен барыбыз да беләме? 1990 елның 14 декабрендә 1 октябрь “Өлкәннәр көне” итеп игълан ителә. Иң беренче бу бәйрәмне Европада, аннан Америкада, ә инде 80нче елның ахырында бөтен дөньяда бәйрәм итә башлыйлар. Дөньяда иң кадерле булган әти һәм әни турында без күп сөйлибез. Ә менә аналарның да, аталарның да әниләре булган, аларга тормыш биргән, кеше иткән кешеләр – әби-бабайларга һәрчак тиешле игътибар җитеп бетми . Әби-бабайлы кешенең нинди бәхетле икәнен һәр бала белә. Алар булмаса, өйдә, гомумән, тормышта ямь калмас иде. Аларны рәнҗетү, берүзләрен ялгыз калдырып китү, алар белән дорфа мөгамәләдә булу зур гөнаһ. Әби-бабаларыбызны хөрмәт итәргә, яратырга, кадерләргә кирәк! (Тәрбияче:Солтанова Г.Г)

Бүген зурлар төркемендә әти - әниләр җыелышы булып узды. Әти - әниләр 2018-2019 нчы уку елына куелган укыту-тәрбия бурычлары белән таныштылар. Көн дәвамында  балаларны тәрбияләү процессында уңай шартларның булуын, аларның мөстәкыйль эшчәнлектә кулланылуы әйтелде. "Уйнамагач та көлмәгәч" дигән темага доклад укылды. Балаларның уеннарына әти -әниләрнең игътибар итүләре соралды. Җыелыш төркем тормышын сөйләп тәмамланды. (Хайрутдинова Г.М.)

Мәктәпкә хәзерлек төркемендә әти -әниләр җыелышы булып узды. Ул балаларны  мәктәпкә әзерләү темасына багышланган иде. Әлеге җыелышта башлангыч сыйныф укытучысы Фәридә Вакиповна чыгыш ясады һәм әти - әниләргә үзенең киңәшләрен бирде. Бакчабыз мөдире Сабирова Эльвира Фаритовна яз көне үткәреләсе диагностика буенча сөйләде. Үткәрү тәртибе, ничек әзерләнергә кирәклеген аңлатып үтте. (Ахтямова Р.М.)

  Бүген - Өлкәннәр көне! Бүгенге бәйрәмне без сезнең өчен- иң кадерлеләребез - ак яулыклы әби-апаларыбыз, түбәтәйле аксакалларыбыз хөрмәтенә оештырдык. Сезне тагын бер тапкыр Өлкәннәр көне белән чын күңелдән котлыйбыз!Сезгә ныклы сәламәтлек,чиксез шатлык, балаларыгызның, оныкларыгызның игелеген күреп яшәвегезне телибез. Гомер көзегез матур, кояшлы булсын, сау-сәламәт булыгыз. Бәхетле картлык кичерегез!  Сез булганда гына безнең өйләребез һәрвакыт ачык тора, йозакның нәрсә икәнлеген дә белми; сез булганда гына өстәлләребездән кайнар чәй өзелми.Сез- дөньяда иң сабыр йөрәкле кешеләр. Йөзләрегез җыерчыклы булса да, сез оныкларыгыз өчен иң сөйкемле матур кешеләр; кулларыгыз кытыршы булса да, оныкларыгыз өчен алардан да йомшак куллар юк; билләрегез бераз бөкрәеп торса да сездән дә күркәм кеше юк.

  Бәйрәм белән ,сезне, Өлкәннәребез!

 Максат:  Кәгазь битенә рәсем ясарга,пумала  һәм бөгәрләнгән кәгазь белән рәсем төшерүне  аралаштырырга өйрәтү.

 Буяүлар, пумала белән эшләү  күнекмәләрен ,туган як үсемлекләре турындагы  белемнәрен ныгыту.

Максат: Квадрат читләрен һәм почмакларын бизәргә өйрәтү.

 Төсләрне яраштырып сайларга өйрәтү.

 Максат:  Балаларны татар халкының горыф -гадәтләре белән таныштыру.Киемнең билгеләнеше һәм функцияләре белән таныштыру,кием материалы һәм куллану ысулы арасындагы бәйләнешне урнаштырырга  өйрәтү.

Балалар белән "Өлкәннәр көне" уңаеннан әби - бабайларына бүләк ясадылар.

Абубакирова Р.Г.

27 сентябрь көнне мәктәпкә хәзерлек төркемендә «Юлда йөрсән бул өлгер, юл кагыйдәсен нык бел!» исеме астында  викторина-уен уткәрелде. Әлеге чарада Саба районының ДПС ОГИБДД ОМВД России өлкән инспекторы полиция капитаны Насибуллин И.Д. катнашты. Балалар юл транспорт хәлакәтләренә очрамасыннар, юлда үзләрен дөрес тота белсеннәр, юл йөру кагыйдәләрен төрле ситуацияләрдә дөрес юлны сайлап, югалып калмаска өйрәтү максатыннан викторина үткәрелде. «Кызыклы эстафета» уеннары уйнатылып «Иң өлгер», һәм «Иң күп белүче» исеме алган балаларга бүләкләр таратылды.