муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан»
Визитная карточка
Адрес: | 422060, Республика Татарстан, Сабинский район, пгт. Богатые Сабы, ул. Школьная 39 А, |
Телефон: | 8 (84362) 2-32-43 |
E-Mail: | DdShat.Sab@tatar.ru; saba1shatlik@yandex.ru |
Министерство: | Министерство образования и науки Республики Татарстан |
Короткое название: | МБДОУ Сабинский детский сад №1 "Шатлык" |
Руководитель: | Зарипова Рушания Гилемхановна |
Год основания учреждения: | 1932 |
У нас учатся: | воспитанники - 122 |
У нас учат: | педагоги - 12 |
муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан» - новости
Страницы: << 41 42 43 44 45 46 47 48 ( 49 ) 50 >>
- Юл йөрү кагыйдәләрен өйрәнәбез 15.11.2019 Икенче кечкнәләр төркеме балалары бүген светофор белән таныштылар. Аның өч төсе ниләр аңлатканың, ни өчен юлларда куелганын төшенделәр. Алган белемнәрен кисеп-ябыштыру эшчәнлегендә чагылдырдылар, "Светофор" уены аша ныгыттылар.
- Транспорт төрләре 15.11.2019 "Юллар имин булсын" атналыгы барышында зурлар төркеме балалары транспорт төрләре белән танышуны дәвам итү, кисеп-ябыштыру күнекмәләрен ныгыту максатыннан йөк машинасын ябыштырдылар. Машинаның нинди өлешләрдән торганын искә төшереп, чиста-пөхтә эшләргә тырыштылар.
-
Яшь инженерлар
14.11.2019
Мәктәпкә әзерлек төркме балалары бүген яшь инженерлар булдылар. Бушаган шырпы капларын төсле кагәзьләр белән тышлап машиналар ясадылар. Аларны йөртү өчен махсус юллар төзеп уйнадылар.
- "Юллар имин булсын!" 14.11.2019 "Юллар имин булсын!" атналыгы барышында уртанчылар төркме балалары белән "Синең куркынычсызлык - синең кулларда" темасына бердәм белем бирү эшчәнлеге үткәрелде. Балалар җәяүле, җәяүлеләр юлы, юл билгеләре белән таныштылар. Җәяүлеләр юлы булмаган очракта ничек хәрәкәтләнергә, юлның кайсы ягыннан барырга кирәклеге төшендерелде.
-
Юлда булсаң, юл кагыйдәсен нык бел!
13.11.2019
Бүген зурлар төркеме балалары белән "Юлда булсаң, юл кагыйдәсен нык бел!" темасына бердәм белем бирү эшчәнлеге үтте. Тәрбияче Сабирова Р.Р. квест-уен аша балаларны юл йөрү кагыйдәсенә төшендерде. Балаларны юл йөргәндә игътибарлы булырга, машина юлында түгел махсус майданчыкларда уйнарга кирәклеген искәртте. Юл билгеләре төрләрен өйрәтеп аларны таный, аера белергә күнектерде.
- Юл йөрү кагыйдәләрен - исеңтә тот! 13.11.2019 Бүгенге очрашуга ЮХИДИ ның өлкән инспекторы Насибуллин И.Д., Ягъфарова Г.Н. да килде. Илнур Дамирович юл аркылы дөрес чыгу тәртибен, машинада йөргәндә махсус креслода утырып йөрергә, киемнәргә ут кайтаргыч элементларын тагарга кирәклеген искәртте. Гүзәл Назифовна балаларның тырыш булуларын, барлык биремнәрне дөрес үтәп чыгуларын билгеләп үтте, балаларга истәлекле бүләкләр тапшырды.
- Әкиятләр илендә 08.11.2019 Әкият балаларны сихри дөньяга алып керә. Әкиятне тыңлап балалар яхшыны яманнан аерырга өйрәнәләр, дуслык, бердәмлек төшенчәләре белән танышалар. "Казлар аккошлар" исемендәге рус халык әкияте аша балаларда туганлык, кайгыртучанлык хисләре тәрбияләнә. Мәктәпкә әзерлек төркеме балалары кисеп ябыштыру эшчәнлеге барышында "Казлар аккошлар" әкиятен искә төшереп кәгазьдән аккошларны кисеп ябыштырдылар.
- Коткаручылар белән очрашу 30.10.2019 Балаларны кече яшьтән сулыкларда: елга, күлләрдә ял иткән вакытта, су кергәндә үз-үзләрен дөрес тоту кагыйдәләренә өйрәтү без өлкәннәрнең төп бурычы. Балаларга елга, күлләргә өлкәннәрдән башка барырга ярамаганлыгын, су кергәндә махсус саклану чараларын кулланырга кирәклеген төшендерү, өйрәтү максатыннан МЧС хезмәткәрләре, коткаручылар белән очрашу оештырылды. Алар ял итү чорында, бигрәк тә яз-көз елгаларда боз катламы юка булган вакытта балалар катнашында күңелсез хәлләр килеп чыгуын, шул хәлләрне булдырмый калу чараларын аңлаттылар, суга батучыларны коткару алымнары белән таныштырдылар.
-
"Россия - зур дәүләт"
30.10.2019
"Россия - зур дәүләт", "Халыклар бердәмлеге" атналыгы барышында балалар туган илебез, анда яшәүче халыклар турында белемнәрен баеттылар. Россиянең башкаласы Мәскәү шәһәре, Россия символикасы турында мәгълүмат тупладылар. Икенче кечкенәләр төркеме балалары кисеп ябыштыру эшчәнлеге барышында Россия флагы белән таныштылар, төсләрен истә калдырып, әзер төсле тасмалардан флаг ясап ябыштырдылар.
- "Saba Balahoner" проекты кысаларында "Саба таңнары" редакциясендә 24.10.2019 Бүген "Saba Balahoner" проекты кысаларында мәктәпкә әзерлек төркеме балалары "Саба таңнары" редакциясендә булдылар. Балалар редакциянең музеенда булып тарихи экспонатлар белән таныштылар, газетаны чыгарыр өчен нинди эш башкарырга кирәклеген күзәттеләр, журналист һөнәре белән таныштылар.