Бер бәйрәм бар февральдә

Кадерле ул һәркемгә.

Аны иң зур бәйрәм дип

Мөмкин хәтта әйтергә.

Ул - тынычлык бәйрәме

Аны һәр кеше белә.

Ватанны саклаучылар

Бәйрәме дип йөртелә.

Ул - солдатлар бәйрәме,

Без котлыйбыз аларны.

Әтиләрне, абыйларны,

Һәм бөтен солдатларны.

Әтиләр көне белән

Тәбрик итәмен сине

Җир йөзендә иң яхшы

Зирәк, уңган әтине.

Иң яхшы дус, киңәшче

Иң якын кешем минем

Көчле, кыю, акыллы

Ул бит минем әтием!

Мәктәпкә әзерлек төркеме балалары әтиләрен бәйрәм белән котлап открытка ясады.

Бүген бәйрәм көнендә,

Әтиләрне котлыйбыз.

Шатлык, бәхет, сәламәтлек

Һәммәгезгә телибез.

Зурлар төркеме балалары әтиләренә матур бүләк ясадылар.

Әкият - баланың дусты һәм кечкенә чактан ук шатлык чыганагы. Әкият каһарманнары белән бергә, бала җиде кат җир астында, ерак җирләрдә «сәяхәт итә», төрле илләргә «барып кайта», аларның табигате белән таныша, халык тормышы, аларның уй-хыяллары турында белә. Әкият аның аңын һәм фантазиясен үстерә, тасвирлы теле белән балаларның сөйләм телен баета. Һәр әкияткә тәрбияви максат салынган: гыйбрәтле, үгет-нәсыйхәт, әхлакый хакыйкать. Образлы, шул ук вакытта нәниләргә дә аңлаешлы тел белән халык хезмәткә, тырышлыкка, күңел сафлыгына дан җырлый, югары әхлак сыйфатларын калку итеп күз алдына китереп бастыра, гаделлекне һәм зирәклекне җиңүче итеп калдыра, ялкауларны, рәхимсезләрне, кансызларны, әдәпсезләрне көлке һәм мескен хәлләргә калдыра. Әкиятләрдә халыкчанлык әхлак сыйфатлары гәүдәләнә, туган илгә мәхәббәт һәм аны яклауга әзерлек, явызлык белән аяусыз көрәш, хезмәт сөю, осталык, гаделлек, дуслык һәм вәгъдәгә тугрылык хисләре чагылыш таба. Әкиятләрдәге хыял, оста итеп уйлап чыгару балаларның иҗади фикерләвен үстерә. Тыңлаганда, сөйләгәндә, үз әкиятләрен тудырганда бала хыяллана, уйлап таба, үзенең эчке дөньясына якын образларын күзаллый һәм намуслылыкны, хезмәт сөюне, тырышлыкны, гаделлекне җиңүче итәргә омтыла. Әкиятләр балаларда төрле: күңеллелек, соклану, шатлык, көлү, ягымлылык, мөлаемлылык, кайгырту, кызгану һ.б. хисләр тәрбияли. Шуңа күрә кече яшьтәге балаларга әкият уку мөһим. Икенче кечкенәләр төркеме балалары А.Алишның "Сертотмас үрдәк” әкиятен тынлап, урман җәнлекләрен искә төшерделәр. Күп сөйләшеп йөрергә ярамаганлыгын төшенделар.