"Һәрвакыт тынычлык" атналыгы планы нигезендә бүген бакчабыз балалары чәчәкләр турында сөйләштеләр. Максаты: балаларның чәчәкләр турында белемнәрен баету, чәчәкләрне танып белергә, тасвирлап сойләргә өйрәтү. Чәчәкләр тынычлыкны, матурлыкны билгеләүче символлар булуын аңлату. Чәчәкләргә сакчыл караш, туган як табигатен өйрәнү теләге тәрбияләү.Әлеге рәсемдә зурлар төркеме балалары иҗади күмәк эш белән мәшгуль, алар аппликация ысулы белән чәчәкләр болыны ясыйлар.

Иҗади эшебезнең нәтиҗәсе

Төрле-төрле әкияти образлар барлыкка килде күмәк эш нәтиҗәсендә. Аккошлар капкадан ук каршы ала.

Маша һәм аю и балаларның иң яраткан персонажлары, бу урын иң җәлеп иткәне. Әйтерсең лә:  "Без мәктәпкә инде әзер" - ди алар.

Әкәм-төкәмнәребез дә бар...

Ромашкалар аллеясын хәзер үзебезнең кояш яктырта. Шунысы куанычлы кояшыбыз һәркемнең күңелен яктырта, хәтта килеп фотоларга төшереп китәләр,"Без дә кайткач үз ишекалларыбызда ясыйбыз",- диләр кайбеләре.

Балаларны Бөек Ватан сугышы турында, солдатларның сугышта күрсәткән батырлыклары турында белемнәрен киңәйтү, Туган ил һәм дөньядагы вакыйгалар белән кызыксынучанлыкларын арттыру, патриотик хисләр тәрбияләү һәм Ватанга мәхәббәт тәрбияләү максатыннан бүген "Шатлык" бакчасы балалары мәңгелек ут янына бардылар.  Бу чарада зурлар һәм мәктәпкә әзерлек төркеме балалары катнашты.

Быел безнең коллектив җәйгә яңа сулыш алып керде. Бертөрлелектән арып без җыелышып төрле-төрле, балалар күңеленә якын булган фигуралар ясарга керештек. Җиһазлар бик гади булса да ( мәсәлән су шешәләре, тәгәрмәч) алардан бик матур, үзенчәлекле геройлар барлыкка килә башлады. Бу чара барыбызны да сихерләгән кебек бакча хезмәткәрләренең өйдәгеләрен дә мавыктырды. Иң беренче булып ромашка чәчәкләре аллеясы барлыкка килде. Аларга инде бал кортлары да ияләште

Бүген безнең бакчабызда милләтебезнең зур милли бәйрәме - Сабантуй үткәрелде.Бу чарага әзерлек тәрбиячеләр, ата-аналар, балалар тарафыннан  күптән башланды: бирнәләр җыелды, җырлар, шигырьләр өйрәнелде. Төрле уеннар: капчык киеп йөгерү, канат тарту, чүлмәк вату һәм башка төрле күңел ачу ярышлары оештырылды. Балалар исә, бүген һәрберсе  төрле- төрле бүләкләр белән кайтып китәчәкләр.

Сабантуе- хезмәт туе!