муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан»
Визитная карточка
Адрес: | 422060, Республика Татарстан, Сабинский район, пгт. Богатые Сабы, ул. Школьная 39 А, |
Телефон: | 8 (84362) 2-32-43 |
E-Mail: | DdShat.Sab@tatar.ru; saba1shatlik@yandex.ru |
Министерство: | Министерство образования и науки Республики Татарстан |
Короткое название: | МБДОУ Сабинский детский сад №1 "Шатлык" |
Руководитель: | Зарипова Рушания Гилемхановна |
Год основания учреждения: | 1932 |
У нас учатся: | воспитанники - 122 |
У нас учат: | педагоги - 12 |
муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан» - новости
Страницы: << 171 172 ( 173 ) 174 175 176 177 178 179 180 >>
-
Чаңгы ярышы - 2014 09.02.2014 Бөтен Россия буйлап үткәрелгән "Лыжня - 2014" ярышларында безнең "Шатлык" балалар бакчасы да актив катнашты. Балалар әти-әниләре белән килеп, тәрбияче апалары ярдәмендә әзерләнеп чаңгы юлын бик удышлы гына чаптылар. 200 метр ераклыктагы ара тиз арада үтелде. Оештыручылар бик ныклап әзерләнгән: һәр катнашучы балага истәлекле бүләкләр тапшырдылар. Бу чараның "Сочи 2014" олимпиадасы белән янәшә үтүе тагы да үзе бер бәйрәм рухын арттырды.
-
Без сәламәт яшәү яклы 07.02.2014
Бүген илебездә әһәмиятле зур вакыйга - Олимпия уеннары 2014 башлана. Бу чараны спортчылар гына түгел, ә барлык Россия халкы да дулкынланып көтеп алды. Әлбәттә, без - балалар бакчалары да битараф кала алмыйбыз. Узган ел "Универсиада"ны яратып кабул итсәк, быел исә "Сочи-2014" не билгеләп үтәбез.
Бүген, Олимпиада ачылу уңаеннан бакчабызда иртә спорт чаралары белән башланып китте. Тәрбиячеләр бердәм белем эшчәнлекләрен үткәргәннән соң балалар зур залга җыйналып спорт чарасында катнаштылар. Мәктәпкә әзерлек төркеме балалары тарафыннан куелган "БЕЗ СӘЛАМӘТ ЯШӘҮ ЯКЛЫ" дип исемләнгән спорт күренешен балалар бик яратып кабул итте.
-
Исәнме SOCHI 2014! 07.02.2014
Илебезнең иң гүзәл почмагы - Сочида бүген Олимпия уеннары башлана. Шул уңайдан, бүген, бакчабызда балалар өчен олимпия уеннарына багышланган зур чара үткәрелде. "Исәнме SOHHI 2014!" дип исемләнгән презентация спорт чараларына, спортчыларга һәм анда катнашасы якташларыбызга багышланган иде.
-
Заманча бердәм белем эшчәнлекләре 06.02.2014
Бакчабызда заманча технологияләр, УМК, парциаль программалар кулланып өйрәтү тәрбиячеләр тарафыннан бик уңай кабул ителде. Шөгыльләребез, даими рәвештә, әзерләнгән тематик призентацияләр, мультфильмнар, аудиоязмалар, яңа, матур, күрсәтмәлекләр кулланылып алып барыла. Бердәм белем эшчәнлекләре уен формасында оештырыла, аларны балалар, дөрестән дә, бик яратып кабул итә һәм тиешле тема җиңел үзләштерелә. Тәрбиячеләребез шөгыльләр тиешле дәрәҗәдә үтсен өчен компьютерда эшләү алымнарын өйрәнделәр, тәрбиячеләр өчен махсус ачылган төрле - төрле сайтлардан кирәкле материалларны өйрәнәләр, яңалыкка омтылып эшлиләр.Эшләренең нәтиҗәләре район һәм республика күләмендә үтүче конкурсларда катнашып алган дипломнарыннан да күренә.
-
Чаңгы ярышына әзерлек дәвам итә 06.02.2014
"Лыжня России 2014" кысаларында узучы "Лыжня Татарстана 2014" ярышларына әзерлек бакчабызда дәвам итә. Кыш айларына керү белән балалар даими чаңгыда шуарга саф һавага чыктылар. Балаларны чаңгыда шуу осталыгына физкультура җитәкчесе Аубакирова Гөлназ Альфредовна өйрәтә. Һава шартлары әйбәт булып, чаңгы юллары уң булып балаларыбыз уңышлы чыгыш ясар дип ышанабыз. Безнең бакчадан барлыгы 12 бала катнашырга теләк белдерде. Яшь спортчыларга уңышлар телибез!
-
Җир шары буенча сәяхәт 06.02.2014
Балаларның төнъяк, көнъяк турында белемнәрен тирәнәйтү, ныгыту максатыннан 3-7 нче февраль көннәрендә "Җир шары буенча сәяхәт" атналыгы үткәрелде. Атна дәвамында балалар кар үзенчәлекләре белән танышып гади тәҗрибәләр үткәрделәр, кышның матурлыгын күрергә өйрәнделәр. Эссе тропик илләр, анда яшәүчеләр, аларның традиөияләре, тропик илләрнең климатлары, анда үсүче үсемлекләр, хайваннар турында күзаллауны арттырдылар. Ә атна дәвамында, теманы оймгаклап, "Зоопаркка сәяхәт" дип исемләнгән балалар кул эшләре күргәзмәсе оештырылды.
Рәсемдә мәктәпкә әзерлек төркеме балалары әвәләгән пингвиннар.
-
Укыту методик кулланмалар 01.02.2014 Татарстан Республикасының Мәгариф һәм фән министырлыгы тарафыннан мәктәпкәчә тәрбия һәм белем бирү учрежденияләренә укыту методик кулланмалар, әсбаплар даими кайтарылып тора. Балаларның бердәм эшчәнлекләрен оештырганда тәрбиячеләр методик ярдәмлекләрне, заманча зәвык белән эшләнгән күрсәтмә, таратма материалларны, аудио-кушымталарны, видео язмаларны, татарча мультфильмнарны киң файдаланалар. Әти-әниләрне тәрбия һәм белем бирү өлкәсендә булган үзгәрешләр, яңалыклар белән даими таныштырып баралар.
-
Куркынычсызлык. Уттан сак булыйк. 31.01.2014 "Куркынычсызлык. Уттан сак булыйк" атнасы дәвамында балаларны тормышта була торган куркыныч чыганаклары һәм алардан саклану чаралары, янгын куркынычсызлыгы таләпләре, янгын вакытында үз-үзеңне ничек тотарга кирәклеге, янгынны сүндерү чаралары белән таншытыру өстендә эш алып барылды. С.Я.Маршакның "Песи өйе" әсәре ярдәмендә балалар игътибарсызлык, саксызлыкның фаҗигага илтүен төшенделәр, бердәм эшчәнлектә алган белемнәрен рәсемләү, кисеп ябыштыруда киң чагылдырдылар. Тәрбиячеләр тырышлыгында "Янгын куркынычсызлыгы" тематикасы буенча әзерләгән плакатларга күргәзмә оештырылды.
-
Әти-әниләр җыелышлары 30.01.2014 Барлык төркемнәрдә дә әти-әниләр җыелышлары тәрбиячеләр тарафыннан зур әзерлек белән үткәрелде. Һәр төркемдә әти-әниләргә "Танып белү", "Социальләштерү", "Иҗади сәнгать", "Музыка", "Саләмәтләндерү" белем бирү өлкәләрен интегральләштереп балаларның бердәм эшчәнлеге күрсәтелде. Беренче кечкенәләр төркемендә Дания Әминовна балаларны "Транспорт төрләре" белән таныштырды. Икенче кечкенәләр төркемендә Гүзәл Габдулхаевна балалар белән урманга "Өч аюга кунакка", зурлар төркемендә Әлфия Камилевна "Серле математика иле" нә, мәктәпкә әзерлек төркеме балалары Әнисә Әминовна белән берлектә "Корабльга" утырып ерак "Белем иленә" сәяхәткә чыгып юлда күп төрле биремнәрне чишеп үзләренең ни дәрәҗәдә белемле булуларын күрсәттеләр. Әти-әниләр сәяхәт, уен формасында үткәрелгән эшчәнлекләрне кызыксынып карадылар, тәрбиячеләргә киләчәктә эшләрендә уңышлар теләп, рәхмәтләрен җиткерделәр.
-
"Юлларда иминлек кирәк" атналыгы 24.01.2014
Бакчабызда балаларга юл йөрү кагыйдәләрен өйрәтү ел әйләнәсендә һәр төркемдә алып барыла. Төзелгән план нигезендә балаларны транспорт төрләре, юлларның траспорт һәм җәяүлеләр йөри торган өлешләре, светофор, юл билгеләре белән таныштыру, светофор төсләренең мәгънәләрен аңлату, юл йөрү кагыйдәләрен төгәл үтәп өйрергә кирәклеген төшендерү,юларда хәрәкәт ритмының тизлеге арта бару шартларында балаларны үз куркынычсызлыкларын, үз-үзләрен сакларга өйрәтү, урамда, җәмәгать транспротында, торак зоналарда үз-үзеңне тоту культурасын тәрбияләү өстендә даими эш алып барыла. Балаларның бердәм эшчәнлек вакытында алган белемнәре дидактик, хәрәкәтле, үстерешле уеннар ярдәмендә ныгытыла, бәйрәм, кичәләрдә кабатлана. "Юл йөрү кагыйдәләре кирәк безгә һәр көнне!" йомгаклау чарасында балалар "Яшь инспектор" түгәрәге җитәкчесе Наилә Гараевна әзерләгән викторинада биремнәрне төгәл үтәп үзләштергән белемнәрен күрсәттеләр. Уен-ярышлар барышында балаларның уйлап фикер йөртүләре, игътибарлы, өлгер, җитез булулары күренде.