Язның иң матур бер көнендә, карлар эреп, бозлар агып киткәч, агач һәм куакларда хуш исле бөреләр уянган чакта яраткан шагыйребез Габдулла Тукай туган. Һәр елны бакчабызда сөекле шагыйребез иҗатына багышлап әдәби кичәләр уздырыла. Г. Тукай дөньяда бары тик 27 ел гына яшәгән, бары 8 ел гына иҗат иткән. Шулай булса да, ул гаять зур, бәя биреп бетерә алмаслык рухи байлык калдырган. Г. Тукай безгә бик зур байлык – шигырьләр, җырлар, әкиятләр, хикәяләр язып калдырган. Аның балачагы бик авыр булган, ул кечкенәдән ятим калып, төрле гаиләләрдә тәрбияләнеп үскән. Ул яшәгән урыннарны гына күздән кичерсәң дә, дистәгә якынлаша: Кушлавыч, Өчиле, Сосна, Кырлай, Җаек…Менә бездә буген балалар белән  Габдулла Тукай иҗат иткән  шигырьләрен, җырларын һәм туган көнен искә алдык. 

Тукай туган ямьле яз аенда

Кырлай дигән татар авылында.

Моңлы җыры, үткен сүзе белән

Ул дөньяга шуннан танылган.

Балалар  Габдулла Тукайның "Гали белән кәҗә", "Карлыгач", "Туган тел" , "Бала белән күбәләк", " Кызыклы шәкерт" шигырьләрен сөйләделәр.

Бу атналыкның максаты балаларның өлкәннәр хезмәте, аларның һөнәрләре турында белемнәрен киңәйтү, төрле һөнәр ияләренә кызыксыну уяту.

Хөрмәтле Гөлсинә Хамитовна! Сезне ихлас күңелдән гомер бәйрәмегез - 55 яшьлек юбилеегыз белән  котлыйбыз. Сезгә  гомернең иң озынын, бәхетнең иң зурысын, шатлыкларның иң олысын юллыйбыз. Якты ал таңнар, зәңгәр күкләр сезнең күңелне һәрчак яктыртсын, балкытып торсын. Таң җилләренең назлысы, күңел тынычлыгы, чиксез бәхетләр, эшегездә зурдан-зур уңышлар, яхшы күтәренке кәеф юлдаш булсын Сезгә. Һәрвакытта да шулай шат, көләч йөзле, изге күңелле булып калыгыз. Алга таба да шатлыкта, куанычта, бәхеттә яшәргә, хезмәтебезгә ямь өстәп, авырмый бергә- бергә эшләргә язсын! Иң изге теләкләр белән мәгариф өлкәсен әйдәп баручы баш специалист Луиза Мажитовна, хезмәттәшләрегез, профсоюз оешмасы җитәкчесе Гәрәева С.Р., әти-әниләр һәм балалар.

Бөтенроссия экологлар көне уңаеннан балалар белән чәчәк төрләрен  искә төшердек  һәм тагын бер чәчәк бакчасында үсүче гладиолус чәчәгенең суганы белән танышып аны  утырттык.

Балаларны хезмәт тәрбиясе белән таныштыру уңаеннан мәйданчыктагы карны тараттык.

Саф һавада балалар белән  хәрәкәтле уенның бер төре "Песи һәм тычкан" уенын уйнап җитезлекне, өлгерлекне үстерәбез. 

Бүген Диананың туган көне. Аңа 2 яшь тулды. Балалар Дианага "Ак калач" җырын җырладылар һәм теләкләрен әйттеләр.

Тагиров Данияр һәм Тагирова Диананың әнисе  Рина Марселевна безнең бакчабызга үз исеменнән  күп кенә матур уенчыклар бүләк итте. Балалар моның өчен бик шат булдылар. "Миләшкәй" балалар бакчасы коллективы, балалар һәм әти-әниләр үзләренең рәхмәтләрен белдерәләр. Рина Марселевнага эшендә зурдан зур уңышлар, гаилә тынычлыгы теләп калабыз.

Бүген Мусаның туган көне аңа 4 яшь тулды. Мусаны туган көне белән котлап балалар белән  "Ак калач " җырын җырладык, теләкләр теләдек. Муса үзенең шатлыгы белән уртаклашып балаларга бүләкләр өләште.