Рус теле  эшчәнлегендә балалар белән кыргый, йорт һәм җылы як җәнлекләрен өйрәнәбез. Бүген дә аларны кисәкләрдән җыеп, төзелешләрен өйрәндек.

Бу атна дәвамында һөнәрләр турында сөйләштек, эш турында мәкальләр, табышмаклар чиштек. Менә бүген кунакка авыл фельдшеры  Рушания апа килде. Ул балаларга чисталык турында, кар белән шаярмаска, аны ашамаска, карда бик күп төрле микроблар барлыгын аңлатты. Шулай ук суган, сарымсак белән дус булсалар, саф һавада ешрак йөрсәләр, грипп дигән вирус аларны читләтеп узар, диде.

Балалар бакчасына яңа уенчыклар кайтты. Һәм балалар леголар белән төзүчеләр булып, өйләр төзеп уйнадылар.

Кызлар һәрвакыт бизәнергә яраталар. Әдилә дә үзенең сеңлесе белән яңа уенчыклар белән чәчтарашлы уйный.

Саф һавага чыккач,  тәрбияче апабыз  "Кем эшләми, шул ашамый" дигән мәкальне искә төшерә дә һәм без иң беренче чиратта шугалагыбызны  кардан чистартып рәхәтләнеп тау шуабыз.

Бүген "Миләшкәй" балалар бакчасыннан Әлфис белән Энҗе һәм  "Карлыгач"  балалар бакчасыннан Шәүкәт белән Әминә үзләренең булачак  класс җитәкчесе Фирдания Миннемуловна янына мәктәп белән танышырга килделәр. Фирдәния Миннемуловна  аларны мәктәп тормышы белән таныштырып үтте һәм олы, катлаулы, кызыклы белем юлына аяк басачакларын исләренә төшерде. Балаларга мәктәптә парта артларына утырып биремнәр эшләүләре бик күңелле булды. Балалар  "Без тиздән укучылар булабыз"- дип сөенешеп кайтып керделәр. 

Бүгенге көннән башлап һәнәрләр турында өйрәнәбез һәм рәсем эшчәнлегендә балалар үскәч узләренең кем булуларын рәсемгә төшерделәр. Аларны хыяллы чәчәк үстерүче, шофер, чәч кисүче һ.б.

Чыпчык белән песнәк килде

Кичә куйган җимлеккә.

Әллә кышка сөенәләр,

Әллә инде җим күпкә.

Чыркылдашып сыйландылар,

Канатлар кага-кага.

Көн дә килегез, кошкайлар,

Онытмам җим салырга.

Балаларның хәрәкәт активлыгын, тизлек, җитезлек үстерү, балаларның сәламәтлеген ныгыту максатыннан физкультура эшчәнлеге вакытында төрле уеннар, күнегүләр эшлибез.