Балаларда танып белү һәм мөстәкыйль фикерләү эшчәнлеген үстерү,  үз теләкләрен башкаларныкы белән яраклаштырырга, иптәшләре алдында җаваплылык хисе тоярга өйрәтү, спорны яратырга, аның белән дуслашырга, көчле ихтыярлы, сау-сәламәт булу максатыннан бу атна эчендә балалар белән төрледән-төрле эшләр башкардык.

Уенчыкларга ял итергә дә вакыт табабыз.

Без бүген Люция апа янына  китапханәгә кунакка килдек.

                        Туган тел!

И туган тел, и матур тел, әткәм-әнкәмнең теле! 

Дөньяда күп нәрсә белдем син туган тел аркылы.

Иң элек бу тел белән әнкәм бишектә көйләгән, 
Аннары төннәр буе әбкәм хикәят сөйләгән.

И туган тел! Һәрвакытта ярдәмең белән синең, 
Кечкенәдән аңлашылган шатлыгым, кайгым минем.

И туган тел! Синдә булган иң элек кыйлган догам:
Ярлыкагыл, дип, үзем һәм әткәм-әнкәмне, ходам!

Безгә Гадел үзенең яраткан "Су анасы" әкиятен сөйләде.

Балалар белән саф һавага чыккач каен агачына эленеп куелган сыерчык оясын күзәтәбез. Балалар түземсезләнеп сыерчыкларның килүен көтәләр.

Сөйләм үстерү эшчәнлегендә  балалар белән кышлаучы кошлар арасыннан күчмә кошларны аерырга, танып белергә өйрәндек.

Бу атна эчендә "Кошлар- безнең дусларыбыз"  проекты буенча эшлибез. Балалар белән рус теле эшчәнлегендә  яз турында  һәм язның ин беренче кошлары хакында сөйләштек,  презентация ярдәмендә аларның тавышларын тыңлап, уеннар аша күчмә кошларны аерырга өйрәндек.

Көннәр аяз, күктә алсу

Нур сибеп кояш көлә.

Җиргә тама көмеш тамчы –

Сагынып көткән яз килә.

Әйтегезче,кайсы вакыт

Яздагыдан ямьлерәк?

Кыш айларын да яратам,

Әмма яз күңеллерәк.

Көннәр җылы, күктә алсу

Нур сибеп кояш көлә,

Җәйге шатлык, көзге бәхет

Яз белән бергә килә.

Балалар белән  яз турында русча җөмләләр төзеп картиналар буенча  сөйләргә өйрәнәбез.