Җәй – бик матур вакыт, бигрәк тә балалар өчен, ниһаять, алар озын каникулларда рәхәтләнеп уйный, ял итә алачаклар.  Җәйге табигать үзенчәлекле, тәэсирле. Ул чәчәк атуның иң югары ноктасында тора. Бүген башлангыч сыйныф укучыларына  экскурсия оештырылды. Экскурсия үсеп килүче буында табигатькә, әйләнә-тирә мохиткә сакчыл мөнәсәбәт тәрбияләү максатыннан оештырылды. Балалар туган табигатьнең матурлыгына сокланып карадылар, болында үскән чәчәкләрне танып аларны файдалы якларын өйрәнделәр, хәрәкәтчән уеннар уйнадылар, истәлеккә фотога төштеләр. Балаларга туган киңлекләрдә мондый сәяхәт бик ошады.