Тату гаилә – ил терәге, бала өчен иң кирәге. Тату гаилә бердәм булса, бала бәхетле була. Ә нәрсә соң ул гаилә? Ул нәрсәдән башлана? Ни өчен бик кадерле, якын сүз ул? Бу сорауларга җаваплар табар hәм күңелле ял итәр өчен 18 нче апрель көнне Олы Кибәче урта гомумбелем бирү мәктәбендә «Гаилә бәхете – балада» дип исемләнгән иҗат – отчет концерты узды. Әлеге чарада балалар, әти-әниләр  бердәм булып, актив катнашты. Концерт нәфис сүз, күмәк биюләр, матур җырлар белән үрелеп барды.
«2024 – Гаилә елы» кысаларындагы бу чара коллективны, әти-әниләрне тагын да якынайтты. Чарага килгән һәркем уңай эмоцияләр һәм күтәренке кәеф белән таралышты.