Эш беткәч уйнарга ярый дигәндәй, 26 нче октябрь көнне мәктәбебездә гөрләтеп көзге бал - уңыш бәйрәмен уздырдык. Көз аенда мәктәптә уздырыла торган бәйрәмнәрнең иң котеп алынганы инде ул Көзге бал. Ул көзнең иң матур чагында үткәрелә. Бәйрәмгә һәр сыйныф бик яхшы итеп әзерләнгән иде. Алар көзге уңыштан төрле композицияләр ясадылар, үзләренең иҗади сәләтләрен күрсәттеләр. Күргәзмәдә алмалардан — күбәләк корты, помидор һәм кыярдан   чебен гөмбәсе, җиләкле һәм кабакка охшатып ясалган торт,  шулай ук кабактан кеше һәм башка мавыктыргыч әйберләр бар иде. Бәйрәм җырлар, биюләр, уеннар һәм кызыклы конкурслар белән дәвам итте. Көзге бал бәйрәме, чын мәгънәсендә, уен-көлке, җыр-биюгә бай булды.  Барлык укучыларның да чыгышлары искиткеч иде.