13-15нче октябрь көннәрендә дөньякүләм  “Татарча диктант” акциясе узды. Быел ул сигезенче тапкыр оештырылды. “Татарча диктант” акциясе - Татарстан Республикасы, Россия һәм чит илләрдә яшәүче милләттәшләребезне берләштерә торган проектларның берсе. Акциянең максаты – татар телендә хатасыз язарга өйрәнү, татар әдәби телен кулланучыларның даирәсен арттыру, орфографик һәм грамматик хаталарны тикшерү. Әлеге чара кысаларында мәктәбебездә диктант язу мәйданчыклары оештырылды, анда  теләгән барлык 1-11сыйныф укучылары, укытучылар, хезмәткәрләр, әти-әниләр татарча диктантны ни дәрәҗәдә яза белүен тикшереп карый алды.