Укытучы - дөньяны танырга, акны карадан, яхшыны яманнан аерырга өйрәтүче тылсымчы ул. Кешенең иң матур истәлекләре, иң изге хыяллары, иң беренче шатлык-куанычлары аның балачагы һәм үсмер чоры белән бәйләнгән. Менә шушы матур истәлекләр арасында шактый зур урынны мәктәп бусагасын атлап кергән көннән алып, зур тормышка озатып, соңгы кыңгырау чыңлаган көнгә кадәр бала белән һәрчак янәшәдә Укытучы атлый. Бүген безнең мәктәбебездә зур бәйрәм. 38 ел стажлы математика укытучысы,  20  ел  укыту эшләре буенча директор урынбасары булып эшләгән  Габделхаева Рәсимә Рафиковна һәм 34 ел башлангыч класс укучыларына белем биргән Газизова Гүзәлия Рамилевна үзләренең юбилейларын билгеләп үтә. Аларны   Бөтенроссия белем бирү профсоюзының Саба территориаль оешмасы рәисе  Шәмсевалиева Айгөл  Маратовна, мәктәп директоры Шәймиев Илнар Илшатович, укытучылар коллективы, укучылар котлады.Хөрмәтле укытучыларыбызга саулык, җаваплы эшләрендә уңышлар, гаилә иминлеге телибез.