Балалар белән саф һавада кышкы спорт төрләре белән таныштык; чана-чаңгыда шудык.

Балалар белән атна дәвамында "Ял итү өчен җәмәгать урыннары. Үз-үзеңне тоту кагыйдәләре" темасы буенча эшләдек. Цирк, театр тамашаларын карадык,үзебез дә артистлар булып уйнадык.

11-16 январь "Туган телем- татар теле". "Әбиемнең серле сандыгы" дигән темалар өстендә эшләдек. Балалар белән туган тел турында шигырь, җырлар, мәкальләр өйрәндек. Әбиемнең сандыгы һәм сандык эчендәге бирнәләр белән таныштык. Әбиләребезнең яшь вакытларында яратып уйнаган уеннарын искә төшердек һәм үзебез дә уйнадык. Мәсәлән,  "Түбәтәй" уены. 

Балалар белән тауда чана шуабыз, күңелле уеннар уйныйбыз.

Күзләрдә бәхет елмая,

Ә шатлыкка чама юк.

Без биибез һәм җырлыйбыз, 

Бездә бүген Яңа ел!

Кечкенәләр төркеме балалары белән чыршы уенчыкларының төрләре белән таныштык, аларның төсен, формасын, зур­лыгын, кулланылышын өйрәндек. Бүлмәбезгә чыршы бизәп куйдык.

Бу атна дәвамында балалар белән кышлаучы һәм күчмә кошларны аера белергә, тышкы билгеләренә карап танырга, аларга карата мәрхәмәтлелек, кайгыртучанлык хисләре тәрбияләргә, аларны рәнҗетмәскә ә ярдәм итәргә кирәклеген өйрәндек. Әти-әниләр ярдәме белән җимлекләр ясап элдек һәм кошларны күзәттек.

Балаларыбыз белән кышкы табигатькә хас билгеләр белән таныштык, шигырь юллары аша кышкы табигатькә сокландык, әдәби әсәрләр укып кышның тасвирланышы белән таныштык. Кышкы табигатькә экскурсия ясадык, куян эзләрен карадык. Җимлекләргә җим салып кошларны сыйладык. 

"Кыргый хайваннар" атналыгында кыргый хайваннар тормышы, яшәеше белән таныштык. Хайваннар турында әкиятләр укыдык, рәсемнәр ясадык, табышмакларга җаваплар таптык. Кору эшчәнлегендә зоопарк тозедек. Йомгаклау чарасында "Теремкәй" рус халык әкияте сәхнәләштерелде. 

Әниләрне, әбиләрне

Кадерлибез, зурлыйбыз.

Чын күңелдән һәммәгезне

Бәйрәм белән котлыйбыз!