25 март көнне бакчабызда "Заманча алымнар кулланып, мәктәпкәчә яшьтәге балаларның математик күзаллауларын формалаштыру" дип исемләнгән район күләм семинар булып узды.Анда кечкенәләр төркеме тәрбиячесе Солтанова Рушания Әсгать кызы "Тиеннең туган көне" дип исемләнгән, мәктәпкәчә әзерлек төркеме тәрбиячесе Мөхәммәтшина Диләрә Фоат кызы "Буратинога ярдәмгә" дип аталган математик эшчәнлек күрсәттеләр.Тәрбиячеләрнең эшчәнлекләре югары дәрәҗәдә бәяләнде.

Бакчабызда "Нәүруз" бәйрәме дә билгеләп үтелде. Балаларның табигать турында белемнәре ныгытылды. Борынгы гореф-гадәтләр искә төшерелде. Кичә шигырьләр , татарча уеннар, җырлар белән үрелеп барылды.

Бакчабызда балалар "Ут дус та , дошман да" дип исемләнгән тема белән таныштылар. Янгын куркынычсызлыгы кагыйдәләре искә төшерелде.Янгын чыгу очрагында үзләрен дөрес тоту күнекмәләре ныгытылды. Янгын темасына багышланган рәсемнәр, плакатлар ясалды.

Бакчабызда "Сулар ага, бозлар китә, кошлар кайта җылы яклардан" дип исемләнгән атна үтте. Балалар белән язгы табигать күренешләрен күзәттек. Яз турында җырлар өйрәндек.Суган, башка төрле культуралар чәчеп, аларның файдалары турында белемнәрне тулыландырдык. 

Бакчабызда "Май чабу" бәйрәме булып узды. Май чабу атнасында кешеләр кышны озаталар, язны каршы алалар. Бу бәйрәмнең символы булып кояш, коймак,май чабу карачкысы тора. Балалар бу бәйрәм тарихы белән таныштылар. Төрле уеннар уйнадылар, коймак белән сыйланып, җырлап-биеп бәйрәм иттеләр.

Бакчабызда "Гаилә бәйрәме" булып узды. Беренче өлештә балалар  чыгыш ясады. Икенче өлештә икенче өлештә күңелле ярыш уеннары белән гаиләләр көч сынаштылар.

15 нче февраль көнне бакчабызда герой шагыйрь-  Муса Җәлилнең туган көнен билгеләп үттек.Балалар аның шигырьләрен сөйләделәр, тормыш юлы белән таныштылар.

Бакчабызда балалар "Минем хокукларым" дип аталучы тема белән якыннанрак таныштылар. Хокуклар турында белемнәрен ныгыттылар.

Бакчабызда "Лыжня России- 2022", "Лыжня Татарстана- 2022" ярышлары булып узды. Бездә моннан читтә калмадык. Малайлар арасында Шәвәлиев Ринас һәм Шакиров Әмир 1 урын, Хөснетдинов Райназ 2 урын, Ягудин Сөләйман 3 урын. Кызлар арасыннан Сәгитова Дилә 1 урын,Газизова Мәдинә 2 урын, Муллахметова Лиана 3 урын алдылар.