20 июль- Халыкара шахмат көне уңаеннан бакчабыздагы балалар шахматның ничек барлыкка килүе, шахматта уйналына торган фигуралар , уйнау тәртибе белән таныштылар. Үзара ярышып шахмат уены уйнап карадылар.

Бу атнада бакчага йөрүче балалар суның мөһимлеге турында белделәр. Су белән эскпериментлар уздырдылар,уеннар уйнадылар

"Сак җәяүле атналыгы" дәвамында юл билгеләрен өйрәндек, ЮЙК уеннары уйнадык,кагыйдәләрне искә төшердек, рәсемнәр ясадык.

"Бөтендөнья фотоаппарат" көне уңаеннан , балаларны фотоаппаратның барлыкка килүе аның  төрләре белән таныштырдык. Рәсемнәр буяп, үзләре теләгәнчә фотоларга тошердек.

"Балык көне" билгеләп үтелү сәбәпле, балалар белән су буена сәяхәткә төштек.Балыклар турында әңгәмә кордык. Безнең сулыкларда яши торган балыкларның төрләрен санадык, фотолар карадык. Шулай ук  балалар балык тоту буенча үзләренең көчләрен сынадылар. 

"Халыкара Олимпия "көне уңаеннан Олимпия уеннары турында әңгәмә үткәрелде, табышмаклар җаваплар эзләнелде, рәсемнәр карап,  балалар үзләре теләгән рәсемнәрне буяп белемнәрен ныгыттылар.

""Бөтендөнья жирафлар көне" уңаеннан бакчабызда йөрүче балалар белән жирафларның яшәү урыннарын, туклануларын өйрәндек, рәсемнәр карадык, уеннар уйнадык. Балалар үзләре теләгән жираф рәсемнәрен буяп, белемнәрен ныгыттылар.

"Усемлекләр көне", "Яшелчәләр ашау көне" уңаеннан  балалар үсемлекләр, яшелчәләр белән таныштылар, файдалы үзлекләрен белделәр. Рәсемнәр ясап, пазллар җыеп белемнәрен ныгыттылар 

Бакчабызда йөрүче балалар белән "Халыкара җәяү йөрү" көне уңаеннан әңгәмә үткәрдек. Җәяү йөрүнең сәламәтлеккә файдалы булуын төшендердек. Шул максаттан, табигать кочагына сәяхәткә чыктык. Шулай ук балаларны машиналар, аларның төрләре белән таныштырдык.

10 июнь-туңдырма көне уңаеннан бакчабызда йөрүче балалар туңдырма төрләре белән таныштылар,рәсемнәр карадылар.Асфальтта  төсле акбурлар ярдәмендә, үзләре яратып ашый торган туңдырмаларны ясадылар.