Табигатьнең иң матур чагында гаилә көне билгеләп үтелә.

Авылыбызда үрнәк гаиләләр шактый. Шуларның берсе-

Гайсиннар.

Алар турында татар теле укытучылары ШиһабиеваФ.Ә.

һәм ДәүләтоваИ.Г. "Гаилә һәм мәктәп"журналына конкурска

язма җибәрделәр. Аларга уңышлар телибез!

12 май көнне варисларыбыз елдагы традиция буенча слетта катнашып, күтәренке кәеф белән кайттылар. СДО да булыа кайткан ике укучыбыз Гаянова Зәлия һәм Гайсина Инзиләләр "2013-2014 нче уку елында республикакүләм чараларда актив катнашкан өчен" Рәхмәт хаты белән бүләкләнделәр.Оешмабыз "Район күләмендә үткәрелгән чараларда актив катнашканы өчен" Мактау грамотасы белән бүләкләнде.

7 сыйныф укучысы Гаянова Зәлия "Туган як серләре" Республика тарихи туган якны өйрәнү экспедициясенең "Җиңү бәйрәме балалар күзлегеннән" номинациясендә

2 урынны алды. Җитәкчесе педагог-оештыручы Гаянова В.Н. Алга таба да уңышлар сиңа, Зәлия!

15 май көнне мәктәбебездә Гаилә көне билгеләнеп үтелде. 7 сыйныф укучылары иртәдән һәр укучыга "Табын артында утыру кагыйдәләре" исемле буклет

тараттылар. 1-4 сыйныф укучылары арасында кроссворд чишү ярышы үткәрелде.Кроссвордны беренчеләрдән булып дөрес итеп Валиева Алсу һәм Гарипова

Ранияләр чиште.Аларның кроссвордларында "гаилә" сүзе барлыкка килде. "Компьютер һәм мин" түгәрәгенә йөрүче укучылар "Гаилә" темасына презентация эшләделәр. Тәнәфесләрдә укучыларыбыз гаилә, әти, әниләр турында матур җырлар бүләк иттеләр. "Яшь гвардиячеләр" отряды белән берлектә китапханәчебез "Гаилә - гомер бишеге" исемле  күргәзмә куйды.

Безнең мәктәп укучылары һәр иртәне

флеш-моб биюдән башлыйлар.

Үзлренә көн буена җитәрлек көч туплыйлар.

Чисталык - сәламәтлекнең нигезе. Шул уңайдан, 12нче май көнне мәктәптә Бердәм экология дәресләр үтте. Башлангыч сыйныфларда дәрес-презентацияләр,урта классларда тәрбия сәгатьләре үтте,югары сыйныфлар бакчада эшләде.

Татар теле һәм әдәбияты укытучысы Шиһабиева Фирая

Әхмәтхан кызының укучылары Гайсина Инзилә,

Галиуллина Динә татар теленнән Россиякүләм

олимпиадада катнашып 1нче һәм 2нче урыннарны

алдылар. Аларны уңышлары белән котлыйбыз!!!

12 май көнне мәктәптә янгын куркынычсызлыгы буенча линейка үткәрелде. Янгын куркынычсызлыгы буенча җаваплы З.С.Дәүләтгәрәев  укучыларга кабаттан янгын булган очракта чыгу юлларын, эвакуация планы белән таныштырды. Җәйге чорда мәктәп яны сәламәтләндерү лагерында эшләячәк ирекле янгын дружинасы белән таныштырды.Һәр хезмәткәргә үз вазыйфалары турында аңлатты.

Бөек Җиңүнең 69 еллыгы авылыбызда зурлап билгелзп үтелде.

Обелиск янында уздырылган митингка  тыл ветераннары чакырылды.

Мәктәп укучылары Җиңү көненә багышланган монтаж куйдылар.

Сугыш кырларында һәлак булган авылдашларыбыз истәлегенә веноклар салынды.

Ветераннар! Чал чәчле ветераннар —

Мәрхәмәтле изге кешеләр.

Таңнар килә, һәрчак кояш туа,

Нурлары бит сезнең шикелле.