5-7нче сыйныф укучылары арасында

"Наркотикларсыз тормыш"айлыгына

багышланган эмблема ясау конкурсы

үткәрелде.

Китапханәче Ләйлә Вагыйзовна укучыларны Шәүкәт Биктимеров иҗаты белән таныштырды.

Шәүкәт Биктимеров - милли театрның атаклы сәхнә остасы, күпкырлы иҗади шәхес, татар сәхнәсенең реалистик традицияләрен дәвам иттереп, төрле характерда дистәләрчә төп образлар иҗат иткән күренекле артист. Сәхнәдәге беренче адымнарыннан ук ул психологик тирәнлек, тормышчан дөреслек, чынбарлыктагыча ышандыру нигезендә иҗат итте. Сәхнә сөйкемлелеге, күңелгә үтеп керүче мөлаем гадилек, җылылык, йомшак лирика – артистның үзенә генә хас булган иҗади йөзе булды. Аның һәр каһарманы - төпле, акыллы фикер йөртә белүче, киң колачлы, максатлы шәхесләр. Биктимиров иҗат иткән Әлмәндәр карт образы (1976) 30 елдан артык сәхнәдә милләт йөзен, аның намусын, иманын һәм кыйбласын чагылдырган легендар каһарман булып торды.

Педагог-организатор ГаяноваВ.Н. 

"Шәүкәт Биктимеров иҗатын  беләсеңме?"

дигән темага викторина үткәрде.

Гасимуллина Язгөл һәм Нургалиева

Лилия ҖИҢҮЧЕ Гаялетдинов Альмир

һәм Мөхәммәтҗанов Сәйдәш ИҢ
ИГЪТИБАРЛЫ  УКУЧЫ исеменә лаек булды.

Китапханәче Ләйлә Вагыйз кызы Шәүкәт 

Биктимеров иҗатына багышланган

күргәзмә оештырды. Анда артист

иҗатына багышланган альбом,китап

һәм башка материаллар тупланган иде.

Тарих укытучысы ХасановМ.М. мәктәп күләмендә

Батырлык дәресе үткәрде. Укучылар үзләрен

кызыксындырган сорауларга җавап таптылар.

Без сугыш теләмибез.Дөньялар тыныч булсын

дигән теләктә калабыз.

Бүген бездә матур бәйрәм,

Бүген бездә көзге бал.

Бүген көзге байлык белән

Бизәлгән безнең зал.

Алтын көз җитте. Мәктәптә “Көзге уңыш” бәйрәме үткәрелде. Аны 5нче сыйныф укучылары оештырды. Һәр сыйныф бик матур чыгыш ясады.Бәйрәм һәммәбезнең күңелендә озак сакланыр.

18 нче октябрьдән  районыбызда наркотиклар куллануга каршы көрәш айлыгы үткәрелә. Аның кысаларында мәктәбебездә директор алды киңәшмәсендә айлык эш планы расланды. Коридорга стенд эшләнде.  “Юк дип әйтә бел!” дигән тематик әңгәмә үткәрелде. Әлеге чараның максаты: балаларны начар гадәтләрдән – тәмәке тарту, эчкечелек, наркоманиядән саклану һәм аларга каршы торучанлыкны тәрбияләү иде. Чара барышында укучыларга наркотикларның, алкоголь һәм тәмәкенең зарары, аларның кеше сәламәтлеген һәм шәхесен җимерүче матдә булуы турында сөйләделәр. Бу авыруларның сәбәбе – яшәү мәгънәсен дөрес аңламауда икәнлеге булуын да аңлаттылар.

7нче сыйныф укучысы Салихов Рүзәл телевидениедә

ТНВ каналындагы “Без – Тукай оныклары” тапшыруында

катнашып кайтты. Аны телевизордан  22нче октябрь

көнне 15.30 сәгатьтә күрсәтәчәкләр. Карамый калмагыз.  

15 нче октябрь көнне мәктәп тәҗрибә

участогында җыештыру эшләре алып барылды. 

Укучылар һәм укытучылар сарымсак утырттылар,

чәчәклекләрне чистарттылар.

Сикерү һәм йөгерү буенча укучылар  

ГТО нормаларын тапшырдылар.