Искә ала бүген Ватаныбыз

Шаулап үткән көрәш елларын.

Данлый,зурлый һәм хөрмәтли

Курку белмәс батыр улларын.

9 Май-Бөек Җиңү көне. Бү көнне һәр кешенең күңелендә шатлык ,сөенеч белән беррәттән моңсулык һәм сагыну. Чөнки һәркем үзенең сугышта ятып калган әтисен,туганнарын,дусларын сагынып искә ала.Без дә балалар белән һәр елны митингта катнашабыз. Сугыш һәм тыл ветераннары белән очрашабыз. Безгә шушындый матур,мул,тыныч тормыш бүләк иткәннәре өчен без аларга чиксез рәхмәтлебез. Исән-сау гына була күрегез безнең сөекле әби-бабаларыбыз.кадерле ветераннарыбыз!

Олы Арташ ,,Карлыгач" балалар бакчасы коллективы исеменнән, 9 Май бәйрәме белән тәбриклибез.

Җиңүчеләр буынының күпме еллар үтсә дә һич тоныкланмый торган батырлыгын искә алабыз, яу кырында башын салган һәм, сугыш гарасатын кичеп, бүген арабызда яшәүче каһарманнарыбызны олылыйбыз, күпмилләтле халкыбызның кыюлыгына сокланабыз. Үз гомерләре бәрабәренә кешелекне фашизм афәтеннән йолып калган сугыш шәһитләре турындагы якты истәлек йөрәкләребездә мәңге сакланыр. Еллар узган саен без Бөек Җиңүнең олуг әһәмиятен, рухи дәвамчанлыгын ачыграк аңлый барабыз.

Станоклар артында җиңү коралы койган, иген кырларында маңгай тирен тамызып Кызыл Армиягә һәм иксез-чиксез илебезгә икмәк үстергән, конструкторлык бюроларында, госпитальләрдә алсыз-ялсыз эшләгән тыл хезмәтчәннәрен һәрчак олы рәхмәт хисләре һәм хөрмәт белән искә алабыз.

Балачактан йөрәкләребезгә сеңгән «Беркем дә, берни дә онытылмый» дигән гыйбарә безнең өчен әхлакый канунга, иҗтимагый тормыш-көнкүрештәге гамәлләребезне бәяләү калыбына әйләнде.

Барчагызга тыныч күк астында бәхетле һәм мул тормыш, иҗади хезмәт шатлыгы телибез.

Бөек Җиңү бәйрәме котлы булсын!

Яз һәм хезмәт бәйрәме белән иң җылы һәм йөрәктән чыккан котлауларыбызны кабул итегез!

1 Май – илебез байлыгын булдыруда хезмәт иткән бөтен халык бәйрәме.Әлеге матур көндә барыгызга да сәламәтлек, бәхет һәм күтәренке кәеф телибез! Үз көчегезгә һәм уңышларга ышанып яшәгез!

Бүген,,Балалар куркынычсызлыгы"айлыгын йомгаклау чарасы булды.Бу чарада Икшермәдәге ут сүндерү оешмасы җитәкчесе Сәләхиев Фәнис тә катнашты. Башта янгын булган очракта балаларны бинадан эвакуацияләү буенча практик эш үткәрелде.Соңыннан Сәләхиев Ф.нең эчтәлекле чыгышы тыңланылды ,балаларга видиофильм күрсәтелде. 

Бүген бөек шагыйребез Габдулла Тукай туган көн.Һәр бала күңелендә  ,,Туган тел" , ,,Гали белән Кәҗә"шигырьләре һәм ,, Су анасы",,,Шүрәле" ,,Кәҗә белән Сарык" әкиятләре белән таныш булган бөек шагыйрьләребезнең берсе ул. Балалар аның шигырьләрен яттан тиз өйрәнәләр.Бүген бакчабызда Тукай көнен билгеләп үттек. Бакчабызга аның әсәрләренең геройлары җыелды.Бергәләп ,,Туган телне" ,,Бәйрәм бүген" җырларын башкардык. Тукай шигырьләрен сәнгатьле сөйлү конкурсы үткәрдек.

Син әле үс һәм укы күп,шунда аңларсың барын,

Мәгърифәт нуры ачар күп нәрсәләрнең ялганын.

                                                     Г.Тукай

Туган тел.

И туган тел,и матур тел, әткәм- әнкәмнең теле!

Дөньяда күп нәрсә белдем син туган тел аркылы.

                                                                 Г.Тукай

Тукай шигырьләренә ясаган иллюстрацияләр буенча ,,Бу кайсы әсәрдән" конкурсы .

Борны кәп-кәкре-бөгелгәндер тәмам кармак кеби,

Төз түгел куллар аяклар да- ботак-тармак кеби.

Тукайны белмәгән кеше юктыр.Аның шигырьләрен укып һәр баланың теле ачыла.Бу көннәрдә халкыбыз Г.Тукайның туган көнен билгеләп үтә.Тукай -ул мәңгелек.

                                                                      Экология айлыгы дәвам итә.

Олы Арташ мәктәбенең ,,Умырзая"исемле драмтүгәрәккә йөрүче балалар бүген безнең бакча балаларына ,,Урман аланында" дип аталган театр күрсәттеләр.Бу театр агачларны,чәчәкләрне,кошларны саклауга багышланган иде.Урманга килгән балалар бергәләп чишмәне дә чистарттылар. Бакча балалары да театрны игътибар белән карадылар.Соңыннан табигатьне саклау турында бергәләп фикерләр алыштык.Балаларга Алсу,Гөлия,Рүзәл һәм Ләйләләрнең чыгышлары бигрәк тә ошады.Түгәрәккә йөрүче барлык балаларга һәм түгәрәк җитәкчесе Рәшидә апага зур рәхмәтебезне белдерәбез.