Балаларның юл йөрү кагыйдәләре турында билгеләрен тирәнәйтү. Күрсәтмә бирүче билгеләр белән таныштыру, тыю һәм кисәтү билгеләре турында белемнәрен ныгыту.

Туган як табигатенә сак караш, үзеңне табигатьтә дөрес тотарга, үзебезнең төбәктә үсүче җиләк-җимешләр һәм бөҗәкләрне танып белергә өйрәтү.

Балаларда танып белү күнекмәләрен үстерү; ком һәм аның үзлекләре турында белемнәрен камилләштерү.Балалар юеш комнан кабартмалар, рәсемнәр һәм машиналар белән уйныйлар.

Балаларны татар халкының милли киемнәре, милли орнамент белән якыннанрак таныштыру, балаларда кызыксыну уяту. Милли әйберләрнең үзләренә генә хас булган билгеләрен ачыклау.

2 нче июнь көнне Ике Басу Арташ клубы белән берлектә балалар Сабантуе үткәрдек. Бәйрәм бик күңелле үтте. Балалар өчен бик күп милли уеннар, спорт уеннары оештырылды. Балалар җырладылар, шигырьләр сөйләделәр, күмәк биюләр биеделәр. Балалар рәхәтләнеп күңел ачтылар.

1 июнь - балаларны яклау көнендә, мәктәпкә әзерлек төркеме балалары белән, район күләмендә үткәрелгән бәйрәмдә катнаштылар. Балалар рәхәтләнеп уйнадылар, күңел ачтылар, юл йөрү билгеләрен яхшы белүләрен, җитезлекләрен, тапкырлыкларын күрсәттеләр. Бәйрәм бик күңелле үтте.

Шундый якты, шундый көләч

Беренче көне җәйнең,

Назлап кына сыйпап сөя,

Кочагыдай әнинең.

Балаларны яклау көне-

Шундый матур бәйрәм бар,

Мәйдан тулы бала- чага,

Балаларга урам тар.

Бәхетле безнең балачак,

Яклау- саклаулы булгач,

Чыңлап тора җырларыбыз,

Чәчкәгә , нурга тулгач.

Бакчабызда бүген мәктәпкә әзерлек төркеме балаларының чыгарылыш кичәсе үткәрелде. Балалар бакча белән саубуллашып матур җырлар җырладылар, биюләр биеделәр, шигырьләр сөйләделәр.                                                                                                                                                                                                                                    Сегодня в нашем детском саду состоялся выпускной вечер детей подготовительной группы. Детей прощались с детским садом, пели красивые песни, танцевали, рассказывали стихи.

Яз алып килә дөньяга нур, ямь

Яз алып килә изге бәйрәм.

Иң изге бәйрәм - Җиңү бәйрәме, кояшлы бәйрәм.

Җиңү бәйрәме - күз яшьле бәйрәм.