4 март - Барый Шавалиев туган көн. 

10 сыйныф укучысы Габдриев Марат Илфар Габделхаевич белән берлектә батыр якташыбызның туган авылы,якыннары, мәктәбе, укытучылары турында презентация төзеде һәм күрсәтте.

Укытучылар һәм үзидәрә белән берлектә Барий Шавалиев премиясенә 4 укучы тәкъдим ителде һәм 4 март көнне тапшырылды. Болар: Халиуллина Гөлфинә Рамазан кызы, Габдуллина Диләрә Идрис кызы, Загидуллин Данияр Гәбделхәй  улы, Каримова Ильвина Ильсур кызы. Бу укучылар- мәктәп данын яклап төрле ярыш,конкурс һәм олимпиадаларда катнашып призлы урыннар алучылар.

Соңрак Барый Шавалиев бюстына венок куелды.

    27 февральдән 1 мартка кадәр татар мәктәпләре өчен рус теленнән үткәрелә торган олимпиаданың Республика туры булып узды. Бу олимпиадада район турында катнашып 1нче урын алган 10нчы сыйныф укучысы Халиуллина Гөлфинә дә катнашты. Укучыбыз Республика турында да сынатмады, призлы 2нче урынга лаек булды.Гөлфинәне бу җиңүе белән кайнар котлыйбыз, алга таба да уңышлар телибез. Ә инде аның укытучысы Муртазина Гөлфия Әфләтун кызына шундый укучы әзерләгәне өчен рәхмәт җиткерәбез.  

26 февраль көнне балалар иҗат үзәгендә " Замечательный вожатый " конкурсы булып узды. Безнең мәктәптән Каримова Ильвина катнашты. Һәм конкурсның иң зур бүләге Гран-при га лаек булды. 

20 февраль көнне район күләмендә "Юл хәрәкәте иминлеге өчен- бергә"-, дигән иҗади конкурс булып узды.

Безнең мәктәп укучылары җитәкчеләре Мубаракшин Рашит Харисович һәм Дилә Магъсумовна белән берлектә өченче урынны алып кайттылар.

    Бүген мәктәптә хәрби-патриотик айлык кысаларында гер спорты үткәрелде. Бу ярышта  9-11 сыйныф егетләре көч сынашты. Иң көчле егетебез булып 10нчы сыйныф егете Мавлин А. танылды Ул 16 кг.лы герне 105 тапкыр һавага чөйде.

   Бүген мәктәбебездә хәрби-патриотик айлыкка багышланган пневматик винтовкадан ату ярышлары уздырылды. Бу чараны физкультура укытучысы Мингазов Рафис, ОБЖ укытучысы Мубаракшин Рәшит оештырдылар. Ярышта 9-11 сыйныф егетләре һәм кызлары катнашты. Егетләр арасыннан Галиев И. җиңү яуласа, кызлар арасыннан Габдуллина Д. беренче булды.

       Мәктәптә Әфганистаннан Совет гаскәрләре чыгарылуның 25 еллыгына багышланган кичә булды. Бу сугышта Югары һәм Түбән Тегермәнлектән 16 егет катнашкан, шуларның 6сы бүгенге очрашуга килделәр, үзләренең хатирәләре белән уртаклаштылар. Менә ул геройларыбыз:

1. Мавлин Габделхай

2. Зиннуров Исламнур

3. Алмиев Айдар

4. Зиганшин Радиф

5. Ахмадуллин Нурулла

6. Гимадиев Рафаель

   Укучылар әдәби-музыкаль чыгыш ясадылар, Әфганистан геройларына сораулар бирделәр һәм кичәнең истәлеге итеп фотога төштеләр.

Бәйрәм һәр укучының өйрәгендә уйланырлык хатирәләр калдырды.