Иртәнге аштан соң ук, көн бик кыздырганчы дип, юлга чыктык. Авылыбызда чишмәләр күп, һәркайсы аерым үзенчәлекле. Ә без авылыбызның көньягына – Ак чишмәгә юл алдык. Анда баруның  бер хикмәте бар: бу чишмә янәшәсендә үк диярлек тагын бер чишмә үз юлын тапты. Танылган җырчыбыз Г.Сафин һәм “Акчарлак”лылар яңа типкән чишмәгә җан өрделәр, матур дизайн белән эшләнгән “Фатыйма чишмәсе” барлыкка килде. Шул чишмә аккан кадәр савап һәм халык рәхмәте насыйп булыр әле аларга. Афәрин! Балаларга да  шул хакта әңгәмә аша җиткерергә тырыштык. Авылыбыздагы башка чишмәләргә дә читтән генә сәяхәт кылдык.