12 июньдә без Россия көнен билгеләп үтәбез. Гадәти бәйрәм түгел ул, чөнки бөек илебезнең күпмилләтле халкы бу көнне туган илебезнең данлы тарихын кабат искә төшереп, ата-бабаларыбызның Ватанны саклауга багышланган төрле яуларда (ә алар Россиянең борынгы һәм яңарак тарихында бик күп булган бит) күрсәткән батырлыгы, тыныч тормышта ирешкән уңышлары белән горурланабыз. Һәр буын ил тарихына үз битләрен яза, үзенең эш - гамәлләре белән кереп кала. Бөек илебезнең олы тарихы һәр төбәк, һәр район, һәр авыл һәм һәр гаиләнең кечкенә тарихыннан туплана. Безнең буын һәм өлкән буын вәкилләре язган битләр матур эшләр, казанышлар белән тамгалансын иде. Илдә һәрвакыт тынычлык, иминлек булсын! Халыклар үзара бердәм булып, дус - тату яшәсен! Тыныч, имин тормышта яшәргә язсын!

    Соңыннан  командалар арасында пионербол һәм футбол уеннары үткәрелде. Балалар аеруча пионербол уеннарын үз итә. Бу уенда аеруча яхшы уйнаучы балалар һәммәбезне дә шаккаттырды. Алар арасында  Шамсевалиева Азалия, Мустафина Ләйсән, Гимадеев Алмаз, Губаев Булат, Валеев Рәҗәп,  Миннахметов Фирдүс, Хамидуллин Илгизәр, Садыкова Зилә, Гимадеева Зөлфия, Мустафин Нурисламнар бар.

   Стадионда узган футбол уеннары да бик мавыктыргыч, җанлы узды. “Зәңгәрләр” һәм “Яшелләр” командалары арасындагы уен тигез тәмамланды.