Ярышлар Яңа-Арыш урта мәктәбендә татар-башкорт спорт көрәше түгәрәге оешуга 20 ел тулуга багышланган иде. Шуңа күрә дә бу юбилей бәйгегесенә 20 ел эчендә шушы түгәрәктә шөгыльләнеп, район, република, Россия һәм хәтта 2 тапкыр дөнья чемпионы дәрәҗәсенә ирешкән 40 ка якын укучыларыбыз кайтты. Аларның исемнәрен һәм дәрәҗәләрен санап китсәк үзе бер бит булыр иде.

    Шунсы да куанычлы, әлеге ярышның төп спонсорлары- тарихыбызда беренче тапкыр үзебезнең алдагы еллардагы көрәшче егетләребез булды. Бүгенге көндә Казан шәһәрендә эшләп һәм яшәп ятучы шәхси эшмәкәрләр Илназ Галимов һәм Айнур Мифтаховлар үзләре теләк белдереп әлеге зур бәйгене чын мәгънәсендә бәйрәмгә әверелдерделәр. Җиңүчеләр мактау грамотасы, медаль һәм кыйммәтле бүләкләргә лаек булдылар, җиңүче командага күчмә кубок тапшырылды. Махсус бүләкләрне элеккеге укучыбыз-спорт остасы Ранис Шәрипов һәм авылыбыз эшмәкәре Рамзил Әхмәтвәлиевлар ташырды. “Иң чиста көрәшче”-Риназ Гобәев (Яңа-Арыш), “Иң яшь көрәшче”-Салават Әхмәтвәлиев (Яңа-Арыш), “Җиңүгә омтылучы көрәшче”-Ильназ Галиуллин (Олы Елга) һәм Илсаф Ишмөхәммәтов (Яңа-Арыш) махсус кыйммәтле бүләкләргә ия булдылар.

     Югарыда әйтелгән спонсорларга, “Рацин” дәүләт унитар предприятиясе генераль директоры Шәрәпов Әсгать Әхтәмовичка яшь буынны тәрбиялү һәм үстерүдә зур өлеш керткән өчен барлык районның яшь көрәшчеләре һәм тренерлары исеменнән  олы рәхмәтебезне белдерәсебез килә.

 Җиңүчеләргә килгәндә менә алар-булачак сабантуй батырлары

32 кг

1        Садриев Илгиз (Олы Елга)

36 кг

1        Кәримов Илшат (Биектау)

40 кг

1        Ситдиков Ислам (Яңа-Арыш)

45 кг

1        Гарипов Айдар (Шомбыт)

55 кг

1        Гарифуллин Фаиль (Күгәрчен)

60 кг

1        Хәмәтханов Алмаз (Юлсубино)

65 кг

1        Хисмәтов Булат (Бәтке)

70 кг

1        Абдуллин Ислам (Котлы-Бөкәш)

75 кг

1        Әхмәтҗанов Илсаф (Яңа-Арыш)

75 кг югары

1        Вәлиев Инсаф (Яңа-Арыш)

Командалар беренчелеге

1        Котлы-Бөкәш, Шомбыт (185 очко)

4