Муниципальное бюджетное общеобразовательное учреждение «Ново-Арышская средняя общеобразовательная школа» Рыбно-Слободского муниципального района Республики Татарстан/Татарстан Республикасы Балык Бистәсе муниципаль районы муниципаль бюджет гомуми белем учреждениесе «Яңа Арыш урта гомуми белем бирү мәктәбе»
Визитная карточка
Адрес: | 422656, Республика Татарстан, Рыбно - Слободский район, с. Новый Арыш, ул. Восточная, д. 6/Татарстан Республикасы, Балык бистәсе муниципаль районы, Яңа Арыш авылы, Көнчыгыш урамы,6 нчы йорт |
Телефон: | +7(843)-612-57-82 |
E-Mail: | Snar.Rs@tatar.ru |
Министерство: | Министерство образования и науки Республики Татарстан |
Короткое название: | МБОУ «Ново-Арышская СОШ" |
Руководитель: | Набиуллин Дамир Хатыпович |
Год основания учреждения: | 1915 |
У нас учатся: | 52 учащихся, 13 воспитанников/ 52 укучы, 13 тәрбияләнүче |
У нас учат: | 19 учителей, 2 воспитателя/19 укытучы, 2 тәрбияче |
Муниципальное бюджетное общеобразовательное учреждение «Ново-Арышская средняя общеобразовательная школа» Рыбно-Слободского муниципального района Республики Татарстан/Татарстан Республикасы Балык Бистәсе муниципаль районы муниципаль бюджет гомуми белем учреждениесе «Яңа Арыш урта гомуми белем бирү мәктәбе» - новости
Страницы: << 101 102 ( 103 ) 104 105 106 107 108 109 110 >>
-
Гаилә көне. 09.06.2017
"Гаилә көне” турында әңгәмә уздырдык. Соңыннан балалар үз гаиләләре белән таныштырдылар, әти-әниләренең нәрсә белән шөгыльләнүен, гаиләдә яраткан ризык турында да рәхәтләнеп сөйләделәр. Күмәк биюләр дә оештырдык. Уен бүлмәләрендә өстәл уеннарын да яратып уйнадык. Альбом битләренә “Тату гаилә” дигән темага рәсемнәр ясаучылар да булды. Төшке аштан соң, саф һавада төрле хәрәкәтле уеннар уйнадык.
-
Сазлык, баткаклык. 08.06.2017
Көнебез “Сазлык, баткаклык “ дип аталганлыктан балалар белән тәмәке тартуның зарары, алкоголь һәм наркотик матдәләрнең куркыныч булуы турында сөйләштек. “Яхшыдан үрнәк ал, яманнан гыйбрәт ал” презентация карадык, соңыннан фикер алыштык. Шулай ук компьютер һәм бала турында да сөйләштек. Аның файдалы, зыянлы якларын карап киттек. Безгә кунакка Казан шәһәрендә урнашкан БИНИЛЕКТ балалар үзәгеннән ике вәкил килеп лагерьның эшчәнлеген тулыландырып мавыктыргыч итеп уздырдылар. Алар биргән логик мәсьәләләр, техник модельләштерү безнең белемнәребезне баетты. Соңыннан алган очколар буенча урыннар билгеләнде. 1урында-Нуриев Н.(1кл), 2урында-Шамсивалеева А.(6кл), 3урында-Валеев И.(1кл), Галявиев И.(6кл). Алар диплом белән, ә калган катнашучылар свидетельствога лаек булдылар.
-
Хәтер көне. 07.06.2017
Хәтер көне турында белемнәрне барладык. Мәктәп музеена кереп андагы тарихи экспонатлар, авыл тарихы белән бәйле материаллар, авылның алдынгы эшчән кешеләре, тыл батырлары, авылдан чыккан күренекле кешеләр турындагы стендлар белән таныштык. “Туган якны беләсеңме?” исемле викторина да үткәреп алдык. Изге китап-Хәтер китабы белән таныштык. Авылыбыздагы сугышта катнашкан авылдашлар хөрмәтенә төзелгән монумент янына бардык. Балалар үзләренең сугышта үлеп калган бабалары турында сөйләделәр.
-
Дару үләннәре бакчасы 06.06.2017
Без бүген “Яшел аптечка” турында беренчел белемнәрне барладык. Шушы темага презентация карадык. Табигать аланына чыгып үләннәр тупладык. Алардан мини-гербарий ясап, башка балаларга бу үләннең файдасы, җыю, киптерү тәртипләре турында сөйләүләр оештырдык. Шуңа бәйләп үләннәрнең файдасы куллану тәртибен төгәл үтәгәндә генә булуы хакында “Ярый һәм ярамый” дигән темага фикер алыштык. Үләннәрне җыю срогы күрсәтелгән таблица буенча танышулар үткәрдек
-
Әкияттә кунакта. 05.06.2017
Беренче “Әкият геройлары”н тану үткәрелде. Төрле әкият геройларын тану- бик кызыклы икән. Аннары әкиятләрне сәхнәләштереп уйнап та күрсәттеләр. “Теремкәй”, “Үги кыз”, “Өч кыз”, “Йокыга талган гүзәл” әкиятләрен карап шатландык. Балалар арасында булачак актрисалар да күренде. Валеева И.(1кл.), Сибгатуллина К.(3кл.), Миннахметова Д.(2кл.), Губаев С(5кл.), Галявиев И.(6кл.) рольләрне бик оста башкардылар. Соңыннан компьютердан әкиятләр карадык.
-
Чишмәләр көне 03.06.2017
Без бүген “Чишмәләр” турында сөйләштек. Авылыбыздагы чишмәләрнең тарихы турында искә төшердек. Истәлекле чишмәләрнең берсенә сәяхәт кылдык. Челтер-челтер чишмә сулары көне-төне ага да ага. Саф сулары белән бар авыл халкын сөендерә. Саклыйк чишмәләребезне!
-
Егетләр, баһадирлар. 02.06.2017
Көнебез егетләр-баһадирлар дип аталганлыктан, кызлар кечкенә генә концерт номерлары әзерләделәр. Соңыннан егетләребез арасында шашка-шахмат уеннары ярышлары уздырдык. Безнең арада оста шашкачы һәм бик оста шахматчы егетләребез бар икән ләбаса!
-
1 июнь-Халыкара балаларны яклау көне. 01.06.2017
“Җырлы-моңлы балачак” исеме астында төркемнәр концерт номерлары күрсәттеләр.
“Балачак” һәм “Дулкыннар” командалары бер-берсенә бәйрәм белән котлап аерым концерт номерлары күрсәттеләр. Чыгыш ясаучыларны көчле алкышлар белән яратып тыңлап утырдык. Афәрин балалар, булдырасыз бит! Молодцы! Бәхетле булыгыз!
-
Доктор Айболит шифаханәсе. 31.05.2017
Табигать һәм кеше мөнәсәбәтләренә тукталып, көндәлек тормышта төрле көтелмәгән очраклар булырга мөмкинлеген искәрттек.
Доктор Айболит белән бәйле мультфильм карадык. Табигатьтә кеше ярдәменә мохтаҗлар күп икән ләбаса. Кешеләр арасында, кеше белән хайваннар арасындагы мөнәсәбәт, бер-береңә ярдәм итү хакында да сөйләштек.
Уен бүлмәләрендә төрле өстәл уеннары белән мавыгып вакытның узганы сизелмәде. Бүгенге көннең лидерлары Галимов Д.(6кл.), Валеева И.(1кл.) булдылар. Алар линейкада флагны төшерү хокукын яуладылар. Молодцы!
-
Табигатьтә кунакта. 30.05.2017
Сәламәтлек минутында иртәнге гигиена кагыйдәләрен үтәү буенча “Мойдодырның дуслары һәм безнең сәламәтлек” дигән презентация карадык. Соңыннан фикер алыштык. Безнең якның табигате турында сөйләштек. Урман, болын, кыр атамалары белән бәйле тарихи чыганакларны барладык. Авыл тарихы материаллары белән таныштык. Соңыннан “Минем туган ягым” темасына рәсемнәр ясадык. Көн лидерлары Гатиятуллина Я.(3кл.), Валеев И.(1кл.).