Бүген 5-7 нче сыйныф укучыларыннан торган командалар арасында үсемлекләргә багышланган викторина булып узды. Командалар конкурска тырышып әзерләнгәннәр, Илсөяр апалары биргән сорауларга күп мәгълүмат тапканнар.

Бүген 10 нчы сыйныф укучылары 1-7 нче сыйныф укучылары өчен химия белән бәйле әкият сәхнәләштерделәр. Алар кызыклы тәҗрибәләр ясап балаларда химия фәненә кызыксыну уяттылар.
 

Әлеге атна мәктәбебездә химия һәм биология фәне атналыгы. Бүген 8 нче сыйныф укучыларын химиклар җәмгыятенә кабул итү конкурсы үткәрелде. Алар ике командага бүленеп төрле кызыклы тәҗрибәләр үткәрделәр, сорауларга җавап бирделәр, конкурсларда катнаштылар.

Бүген башлангыч сыйныф укытучысы Садикова Гөлназ Камил кызы 2-3 нче сыйныф укучылары катнашында экологик уен оештырды. Уенда "Табигать балалары" һәм "Нурлы яз"  командалары катнашты. Алар табигать һәм аны саклауга багышланган уеннарда катнашып үзләренең белемнәрен күрсәттеләр.

Каен бөресе җыюда барлык балалар да бик актив катнаштылар. 3 нче сыйныф укучысы Гилемханова Ризәлә елдагыча иң актив укучыбыз булып санала. Укучыларның барысына да зур рәхмәтебезне белдерәбез.

2 нче апрель көнне укучыларыбыз район күләмендә җиңү яулап Лаешта "Йолдызлык" фестивалендә катнашып кайттылар. Конферанс номинациясендә Гатауллина Дилә, Каримуллин Дамир, Фатихова Зәлия, вокал номинациясендә Шириязданов Алмаз уңышлы чыгыш ясадылар. Җитәкчеләре Мубаракшина Фирдәвес Җәүдәт кызы.

 23 нче март көнне мәктәбебездә күп еллардан бирле эшләп килүче уку-укыту эшләре буенча директор урынбасары, математика укытучысы Сания Сабирҗан кызы Сагыйрованың 55 яшьлек юбилее булып узды. Без аны ихлас күңелебездән туган көне белән кайнар котлыйбыз. Аңа алдагы тормышында кайгы-хәсрәтсез озын гомер, исәнлек-саулык, җан тынычлыгы, гаилә бәхете телибез.

Шатлык белән, тулы бәхет белән,

Гөрләп үтсен алда гомерең.

Якты тормыш, яшәү матурлыгы ,

Алып килсен сиңа һәр көнең.

15 нче март көнне 9 нчы сыйныф укучыларыбыз математика фәненнән үзләренең белемнәрен сынап карадылар. Экзаменда 12 укучыбыз катнашты.