12 нче март көнне Балалар иҗат үзәгендә  Г.Тукай исемендәге 3 нче  Бөтенроссия шигырь сөйләүчеләр  бәйгесе үткәрелде. Район турында 9-11 нче сыйныфлар арасында 11 нче сыйныф укучысы   Фатыйхова Зәлия -2 нче урын, Мөбәрәкова Гөлинә-3 нче урынга лаек булдылар. Аларга диплом, истәлекле бүләкләр тапшырылды.    7 нче сыйныф укучысы Әмирова Миләүшә бу бәйгедә  актив катнашканы өчен грамота, истәлекле бүләк  белән бүләкләнде.

Хөрмәтле әниләребез, укытучылар, укучылар!  Сезне 8 март халык-ара хатын-кызлар көне белән кайнар котлыйбыз. Яз сулышы гаиләгезгә муллык, күңелләрегезгә сабырлык, тәнегезгә саулык алып килсен. Ходай сезне үз рәхим- шәфкатеннән ташламасын, теләкләрегезне тормышка ашырырга ярдәм итсен, өстәлләрегез мул, аш-суларыгыз тәмле, көннәрегез ямьле булсын.

Бүген  мәктәбебездә 1-6 нчы сыйныф укучылары әниләрен бәйрәм белән котладылар. Алар матур һөнәрләрен күрсәттеләр, театрлар да сәхнәләштереп күрсәттеләр. Ә инде өлкән сыйныф укучылары  бәйрәм кичәсен табын артында үткәрде.

6 март көнне мәктәбебездә хатын-кыз укытучылар һәм укучылар арасында волейбол ярышы оештырылды. Уен бик күңелле узды. Укытучыларыбыз җитезрәк булып чыкты, алар 3/1 исәбе белән җиңүгә ирештеләр.

22 нче февраль көнне мәктәбебездә әтиләр һәм укучы егетләребез арасында волейбол ярышы булып узды. Укучыларыбыз җитезрәк булып чыкты, алар 3/1 исәбе белән җиңүгә ирештеләр.

19 нчы февраль көнне мәктәбебездә Әфган сугышында һәлак булган авылдашыбыз Гиниятуллин Равил абый истәлегенә багышланган хоккей ярышы булып узды. Уенда Күгәрчен мәктәбе укучылары командасы җиңүгә иреште. Алар чыннан да үзләренең оста уенчылар икәнлекләрен күрсәттеләр. Афәрин, укучылар!

17 нче февраль көнне мәктәбебез командасы Балык Бистәсендә үткәрелгән хоккей ярышында катнашып II урын яулап кайттылар. Аларны уңышлары белән кайнар котлыйбыз. Ә инде 8 нче сыйныф укучыбыз Гарифуллин Фаиль "Лучший защитник" грамотасы белән бүләкләнде.