Бүген, 10 нчы сыйныфта "Синең һөнәрең ..." дигән темага сыйныф сәгате үтте. Сыйныф җитәкчесе Бәдретдинов Г.А. бик эчтәлекле итеп алып барды. Укучыларга һөнәр сайлау өчен юнәлеш бирелде.

21 нче февраль көнне, 11 нче сыйныф укучысы Гимадиева Гүзәл, Казан Федераль Университетында V нче Бөтенроссия фәнни – гамәли конференциядә чыгыш ясап дипломга лаек булды.

Шулай ук, татар лингвокультурологиясе буенча үткәрелгән конкурста 3 нче урын алып, диплом һәм истәлекле бүләкләр белән бүләкләнде. Гүзәлнең җитәкчесе, Биектау мәктәбен тәмамлап, хәзерге вакытта КФУның филология һәм мәдәниятара багланышлар институтының Г.Тукай исемендәге татар филологиясе һәм мәдәниятара багланышлар бүлегендә укып белем алучы Хөснуллина Гөлчәчәк Нурислам кызы. 

Аларга алга таба да иҗади уңышлар телибез.

17 нче март көнне, 2 нче сыйныфта “Нинди була ул чын дус?” темасы астында сыйныф сәгате үткәрелде. Сыйныф җитәкчесе Шәйхетдинова М.К. бик эчтәлекле итеп алып барды. Проблемалы ситуацияләрне мисалга китерде. Укучыларның фикерләрен тыңлады һәм “Чын дус нинди була?” дигән сорауга җавап бирделәр.

Бүген, 17 нче март көнне, 4 нче сыйныфта әти-әниләр җыелышы булды. “Балаларның сәламәтлеген кайгырту төп бурыч” темасына сыйныф җитәкчесе чыгыш ясады.

Җыелышта 3 нче чиреккә нәтиҗә, сыйныфтагы тәртипкә, йөрешкә, чисталыкка анализ ясалды. Ирешелгән уңышлар турында әйтелде. Каникул вакытында куркынычсызлык кагыйдәләре белән таныштыру булды.

Бүген, 14 нче март көнне, 3 нче сыйныфта "Баланы фикерләргә өйрәтү" темасы астында әти-әниләр җыелышы үтте. 

Җыелышта 3 нче чиреккә прогноз, ирешелгән уңышлар, бетерәсе эшләр турында әйтелде. Язгы чорда куркынычсызлык кагыйдәләрен үтәү мәсьәләләре тикшерелде.

Мәктәбебездә тимурчылык хәрәкәте дәвам итә. 6 нчы сыйныф укучылары Мөршидә әбигә һәрчак булышып торалар.

11 нче март көнне, Балык Бистәсе 1 нче гимназиясендә Г.Тукай исемендәге Бөтенрәсәй бәйгесенең сайлап алу туры узды. Бу бәйгедә безнең мәктәптән 5 укучы катнашты. Хабибуллина Энҗе - 1 нче урын, Галимова Айсылу - 2 урын яулады, ә 2 нче сыйныф укучысы Хабибуллина Зәринә республика күләмендә үтәчәк бәйгедә үзенең көчен сынаячак. Аңа уңышлар теләп калабыз!

Бүген мәктәбебездә дәресләрдән сон югары сыйныф егетләре һәм кызлары катнашында ватанны саклаучылар һәм халкыара хатын-кызлар көненә багышланган ярыш булып узды. Укучылар 2 команда булып, егетләргә каршы кызлар көч сынаштылар, гадел хөкемдарлар аларны тиешенчә бәяләп барды, нәтиҗәдә узебез дэ көтмәгәнчә, дуслык җиңде! Кичәне әзерләгәне, оештырганы һәм алып барганы өчен мәктәбебездэ практика үтүче кызыбыз Хоснуллина Гөлчәчәк Нурислам кызына зур рәхмәтләребезне ирештерәбез! 

15 нче февральдә Казанның Идел буе физкультура, спорт һәм туризм академиясендә региональ фәнни - тикшеренү олимпиадасы - "ФИЛИН" уздырылды. 11 нче сыйныф укучысы Сафиуллин Ислам (җитәкчесе - биология укытучысы Бәдретдинов Г.Ә) бу чарада "Авылыбыз сулыкларының экологик торышы" темасына чыгыш ясады һәм махсус приз белән дипломга лаек булды.

Хөрмәтле гүзәл затларыбыз!

Көннең яктылыгы кояшта, күкнең матурлыгы йолдызларда, җир йөзенең гүзәллеге хатын-кызларда. Сезне шул җир йөзен бизәгән халыкара хатын-кызлар көне белән тәбриклибез!

Шушы бәйрәм көне, елмаеп баккан кояш матурлыгын, табигатьнең самимилеген өстәп, күңелегезгә шатлык, тәнегезгә сихәтлек, өегезгә иминлек алып килсен.